Rusiye işğalcileri tarafından 13 senege üküm etilgen Qırım musulmanı Oleğ Fedorovnı Udmurt Cumhuriyetindeki 5-nci müstemlekege yolladılar. Siyasiy mabüs daa evel Yelts SİZOda bulunğan edi.
Bunı "Qırım birdemligi"ne adamnıñ ömür arqadaşı İrına Fedorova bildirdi.
Böylece, siyasiy mabüs qorantasına mektüp yazıp, boş aynıñ 29-nda onı Qırımdaki evinden 2,5 biñ kilometr uzaqlığında yerleşken Udmurt Cumhuriyetiniñ Sarapul şeerine ketirgenlerini bildirdi. Yelts apishanesinden müstemlekege qadar yol 18 künni aldı.
Fedorovnı müstemlekege şahsiy vesiqasınen beraber alıp kettiler. Oña köre, kelgen er adamnı sert sıñırlav tedbirlerine oturtmaq kerek.
"Oña bu qararnıñ altında (vesiqanıñ kopiyasında) onıñ imzası olğanını ayttılar, amma o imzalamadı ve bu qararnı daa evel körmegen edi", — dep tarif etti İrına Fedorova.
Siyasiy mabüsniñ apayı, aqayına irişmek pek qıyın olğanını ve eki kün sürecegini qoştı.
"Oña körüşmek içün ketmek em maddiy, em de fizikiy ceetten qıyın", — dep qayd etti siyasiy mabüsniñ apayı.
Читати ще
Telegram, WhatsApp ve Facebookta Suspilne Qırım haberlerine abune oluñız
