12 yılğa azatlıqtan marum etilgen “Hizb ut-Tahrir” davasında yalta gruppasınıñ iştirakçısı, siyasiy mabusı Vadım Siruk, Başqurtistan Cumhuriyetiniñ Salavattaki 2-ci tüzetme müstemlekesinde tişlernen bağlı meselesi, sıq suvutulması ve kerek olğan tibbiy yardımınıñ yoq oluvı aqqında tarif etken.
Bunıñ aqqında Qırım Birdemligine onıñ ömür arqadaşı Anna Boğaçeva sürekli körüşüvinden soñ haber etken.
Suvuq avası, Sirukta ve başqa tevqif etilgenlerinde sıq olğan hastalıqlarnı peyda ettire. Onıñ ömür arqadaşınıñ sözlerine köre, tiş ekimi müstemlekede pek siyrek buluna, o ise – tişlerniñ tedaviylemesine irişimini qıyınlaştıra.
Aş meselesi de bar. Sirukqa aşayt mallarnı alıp ketirmege aileniñ üç ayda tek bir fırsatı bar. Siyasiy mabusınıñ apayı qayd etkeni kibi, bu sefer olar ilâc, vitaminler ve aş yedegini alıp bergenler. Yerli tükânında sebze ve meyvalarnıñ seçimi sıñırlanğan.
Siruk, yerli yermay kompaniyası içün urbanı tikken tikiş tsehinde aftada altı kün çalışa. Qıyınlıqlarğa baqmadan eyi keyfte qala, ayrıca onıñ doquz yıllıq tevqifi içinde tek ekinci sefer kelip olğan ailenen körüşüvinden soñ eyi keyfte qala.
“Balalar ne qadar öskenine şaşa. Onıñ hatırında Amira qızımız eki yaşında edi, şimdi oña öz meraqlarnen tolu ösmür kelgen. Kiçkene qızı Hanifa, körüşüvniñ bütün 3 kün içinde babasını taşlamay edi” – tarif etti Anna Bogaçeva.
Hatırlatayıq ki, Vadım Siruk ve daa beş qırım tatatarı, 2016 senesi “Hizb ut-Tahrir” davasında yalta gruppasınıñ iştirakçılarını olaraq tutıp alğanlar.
15 yılğa maküm etilgen qırım tatarı Asan Ahtemov, “Vladimirskiy tsentral”-daki 2-ci rusiye tevqifhanesinde körmege qabiliyetini pek tez coya. Sağlıq tişi de aman-aman qalmağandır – episi ya ufaqlanılğan, ya da özü tüşip ketken. Aynı zamanda tedaviylemesini almay.
Hizb ut-Tahrir – islam siyasiy fırqası. 2003 senesi rusiyede terroristik olaraq tanılğan, oña ait olğanlarını ise – taqip etmege başlağanlar. İştirakçılarnı “esas qanuniyetine qarşı faaliyetinde” ve “dünyara hilâfeti” degenini yaratmağa ıntıluvında qabaatlaylar. 2014 senesi Qırımnıñ işğalinden soñ işğalciler zapt etilgen Qırımğa da öz qanunlarnı amelge keçirdiler. Hizb ut-Tahrirge alâqasında qırımlı musulmanlarnı qabaatlamağa başladılar. Böyleliknen, yarımadanıñ işğalinen razı olmağanları sebebinden qırımtatarlarına basqısını quvetleştireler.
Telegram, WhatsApp ve Facebookta Suspilne Qırım haberlerine abune oluñız
