"Hizb ut-Tahrir davası"nıñ üçünci Bağçasaray gruppasınıñ mabüsi, 13 senege maküm etilgen qırımtatar Rustem Seitmemetov Salavattaki müstemlekeden hastahanege yürek ağrısı şikâyetlerinen avuştırıldı. Siyasiy mabüsniñ bulunğan yeri belli degil.
Onıñ apayı Zera Seitmetmetova Qırım birdemligine bunı bildirdi.
Onıñ aytqanına köre, Rustem soñki sefer orta küz ayınıñ 7-nde "Zonatelekom" sisteması vastasınen bağlanğan ve onı hastahanege avuştırmaq planlaştırılğanını haber etken edi.
"Sağlıq vaziyeti fena edi, basqı ve yürek ağrısı. Orta küz ayınıñ 7-nden bugünge qadar, onı qaysı hastahanege alıp ketkenlerini ve diagnozı ne olğanını bilmeyim. Müstemlekege muracaat ettik ve resmiy cevabını bekleymiz", — dep qayd etti Zera Seitmemetova.
Bir qaç ay evelsi Ulyanovsk vilâyetiniñ Dimitrovgrad apishanesinde bulunğanda Rustemge yürek ameliyatını yaptılar.
Rustem Seitmemetov aqqında ne bilemiz
Rustem Seitmemetov — pedagog, evlengen soñ qurucı olıp çalışa edi. İşdeşleri ve iş bericileri onı işançlı ve cevapkâr adlandıralar. Tevqif etilmeden evel ailesi ve apayınıñ ana-babasıı baqqan edi.
2020 senesi saban ayınıñ 11. künü işğal etilgen Bağçasarayda rus quvetçileri, bir qaç qırımtatar adamınıñ evlerini tinttiler: Amet Süleymanov, Qırım birdemligi"niñ eski faalcisi olğan ve bir qaç sene Qırımdan ketmege mecbur olğan Seitumer ve qardaşı Osman Seitumerov, emcesi Rustem Seitmemetov.
2021 senesi orta küz ayında Rostov-na-Donudaki Cenübiy bölge arbiy makemesi Seitumer Seitumerov, Osman Seitumerov, Rustem Seitumerov ve Amet Süleymanovnı 17, 14, 13 ve 12 senege maküm etti.
İmaye etici taraf bildirdi ki, davanıñ bilgilerinde qabaatlanğan adamlarnıñ yanında silâ, patlayıcı malzemeler ve patlayıcı alet alğanları, terror aktını yapmağa planlaştırğanları ve başqalarını bunı yapmağa çağırğanlarını "delil etken bir şey yoq". Davanıñ bilgilerinde Bağçasaray camilerinde siyaset ve din muzakereleriniñ çıqarılğan sesleri bar.
2023 senesi çiçek ayında Seitmemetov apayına "Zonatelekom" apihane ağınen haber berdi ki, 15 kilogramğa azdı. Keçkende onı, Dimitrovğraddaki rus apishanesine etap ettiler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
