Latviya Saeymınıñ spikeri Dayğa Mierinâ orta küz ayınıñ 24-nde Rığa şeerinde keçirilgen Qırım platformasınıñ üçünci parlament sammitinde Ukraina yalñğız topraq bütünligi içün degil de, uquq üstünligi ve barışıq işbirligine esaslanğan halqara munasebetler sistemasınıñ saqlanuvı içün küreşkenini bildirdi. Ve o bu küreşte yalñız degil.
Bunı o sammitniñ açılışında bildirdi.
"Dünya nizamı bar, mında er kes öz ğayertlerini köstermeli ve Avropada, Afrikada, Asiyada ya da Amerika qıtasında yaşağanına köre, vahşiy küç ve tecavuznen kire bile. Ve işte bu sebepten, bu sammitte memleketlerniñ böyle temsilciligine quvanam, bu ise, Ukraina halqara uquq ve adalet oğrunda küreşte yalıñız olmağanını köstere", — dep ayttı Mierinâ.
Onıñ aytqanına köre, Qırım platforması, Rusiye istilâsına diqqat çekmek içün yapılğan kollektiv ğayretlerniñ neticesi ola.
"Rusiye Qırımdaki repressiyalar ve cinayetler ve işğal etilgen başqa topraqlardaki cenkler vastasınen sıñırlarnı keçmege tırışa. Ve biz bölgede barışıq ve adaletni ğayrıdan tiklemek içün çalışamız", — dep qoştı Latviya parlamentiniñ spikeri.
Mierinâ qayd etti ki, Baltiya memleketleriniñ işğali tanınmağanı kibi, dünya şimdi de "Qırım — Ukraina olğanını, Rusiyeniñ sıñırlarnı deñiştirmek ıntıluvları qanunsız olğanını ve Rusiye cinayetleri körmemezlikke urulacağını — mesüliyetli olğanlar cezasını alacağını" tekrarlamaq kerek.
"Bizim vazifemiz — halqara toplulıq "Rusiye imperializmi"ne köz yummaycağını aytmaqtır", — dep qayd etti o.
Latviya Saeymınıñ spikeri qayd etti ki, Qırım ve Ukrainanıñ başqa bölgelerinde Rusiye Federatsiyasınıñ cinayetlerini qayd etmege devam etmek kerek. İnsan aqlarınıñ bozuluvı, sürgünlik, balalarnıñ köçürilmesi, ealiniñ mecburiy deñiştirilmesi, qırımtatarlarnıñ repressiyaları ve işğal etilgen topraqlarnıñ askeriyleştirilmesi aqqında söz yürsetile.
