"Hizb ut-Tahrir davası"nıñ dörtünci Bağçasaray gruppasınıñ mabüsi Oleksandr Sizikov Aqmescitteki iç bir taqiqat izolâtorında yoq. Berim ayınıñ 13-nde Rusiye makemesi birinci derece saqatlı siyasiy mabüsniñ 17 senelik apis cezasını deñiştirmedi.
Onıñ adliyecisi Suspilne Qırımğa bergen izaatında bunı bildirdi.
Qayd etilgenine köre, imayeciler mabüsni Bağçasaray vaqtınca tutuv izolâtorında tapmağa tırışalar.
UPD. Sizikovnıñ adliyecisi Suspilne Qırımğa bildirgenine köre, onı Bağçasaraydaki vaqtınca tutuv izolâtorında taptılar.
"Kamerada (Sizikov — muar.) öz başına otura. (Oleksandrnıñ sözlerine köre — muar.) O, yañı bir tutuv protokolı esasında VTİda buluna. Oña işkence qullnanmaylar. Eki künde ayaqyol ve lavabo yerini añladı. O, yavaş-yavaş areket ete. Oña yahşı aş bereler. Amma, soñuna qadar aşap-aşamağanını er vaqıt añlamay. Ruhu bozmay. Saqlanıp qala. Meraqlanğan er keske selâm berid", — dep advokat qayd etti.
O, 2020 senesi oraq ayınıñ 7-nde işğal etilgen Qırımda kütleviy tintüvler keçirilgenini hatırlattı, neticsiede yedi insan tutuldı, olardan altısı SİZOğa yollanıldı. Yol qazası neticesinde bütünley körme qabiliyetini coyğan Oleksandr Sisikov ev apsine alındı.
"RFnıñ ükümetiniñ şübeli şahıslarnıñ tibbiy baqıluvı ve apiste tutuvğa mania olğan ağır hastalıqlar cedveline köre, bütünley köreme qabiliyetsizliginen beraber olğan hastalıqlar bu cedvelge kirsetile. Atta Rusiye qanunlarına köre, Oleksandr Sizikov bu cezanı çekmekten azat etilmeli", — dep qayd etti Lubinets.
Amma berim ayınıñ 13-nde Rusiye Federatsiyasınıñ apellâtsiya arbiy makemesi Oleksandr Sizikovnı ceza izolâtorında buluna bilgen şahıs olaraq tanıdı. Ombudsmannıñ qayd etkenine köre, Rusiye quvetçileriniñ saqatlarğa qarşı areketleri esas insan aqlarını, hususan adaletli makeme ve qoruv aqqını boza.
"Halqara cemaatnı Rusiyege basqını quvetleştirmege ve Oleksandr Sizikovnı, em de Qırımda ve Rusiye Federatsiyasında qanunsız tutulğan bütün ukrainlerni acelen azat etmege çağıram", — dep qayd etti Lubinets.
Hatırlatamız ki, Moskva vilâyetiniñ apellâtsiya makemesi "Hizb ut-Tahrir davası"nıñ dörtünci Bağçasaray gruppasına qarşı şikâyet arizasını baqmağa devam etti. Onıñ iştirakçileri Alim Sufyanov, Seyran Hayredinov ve körme qabiliyetini coyğan saqatlı qırımtatar Oleksandr Sizikovdır. Olar tintüvler ve "makeme taqiqatı" vaqtında yapılğan bir sıra bozuvlarnı qayd ettiler.
"Hizb ut-Tahrir davası"nıñ dörtünci Bağçasaray gruppası aqqında ne bilemiz
2020 senesi oraq ayınıñ 7-nde Qırımda keçirilgen kütleviy tintüvler vaqtında yedi kişi tutuldı. Aqmescitniñ "Kıyiv rayon makemesi" altı mabüs içün tevqif tedbirini sayladı.
İsmet İbrahimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov "makeme" zalında apiske alındı ve Aqmescitteki taqiqat izolâtorına yerleştirildi. Birinci gruppa körme saqatlığına saip olğan Oleksandr Sizikov ev apsine alındı.
Tutulğanlarnıñ episi, Rusiyede terroristik olaraq tanınğan, amma dünyanıñ çoq ülkesiniñ milliy seviyesinde sıñırsız faaliyet etken "Hizb ut-Tahrir" islâm siyasiy firqasında iştirak etkeninde qabaatlanalar.
2023 senesi qara ayında "devlet prokurorı" "Hizb ut-Tahrir" davası çerçivesinde Cenübiy bölge arbiy makemesinde Oleksandr Sizikov içün 18 sene rica etti.
2023 senesi mayısnıñ 17-nde Rusiye Federatsiyasınıñ Cenübiy bölge arbiy makemesinde Oleksandr Sizikovnı 17 senege azatlıqtan marum etüv cezasına maküm ettiler. Alim Sufyanov ve Seyran Hayderinov 12 sene sert rejimli müstemlekege üküm etildi. Birinci dört senesini olar da apishanede keçirecekler.
Rusiye makemesi Sizikovnı sert rejimli apishanege yolladı ve apishaneden soñ daa bir buçuq senege azatlıqtan marum qaldırdı, oña cemaat tedbirleri ve toplaşuvlarğa barmamağa emir etti.
2024 senesi berim ayında Moskva vilâyetiniñ istinaf makemesi "Hizb ut-Tahrir davası"nıñ dörtünci Bağçasaray gruppasına qarşı şikâyet arizasını baqmağa devam etti. Onıñ iştirakçileri Alim Sufyanov, Seyran Hayredinov ve körme qabiliyetini coyğan saqatlı qırımtatar Oleksandr Sizikovdır. Olar tintüvler ve "makeme taqiqatı" vaqtında yapılğan bir sıra bozuvlarnı qayd ettiler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram ve Facebookta Suspilne Qırım haberlerine abune oluñız
