Qırımdaki İşğalli halqara makeme, mustaqil qırımtatar gazetası Qırımnıñ tesisçisi Seyran İbragimovğa (112,8 biñ grivna) 250 biñ rublelik para cezasını berdi. İşğalciler onı "malümat serbestligini bozğanı"nda qabaatlaylar. Bundan evel başqa makeme adamnı (135 biñ grivna) 300 biñ rublelik para cezasını berdi.
Arman ayınıñ 27. künü "Qırım esnası" cemaat teşkilâtı bu aqqında haber berdi.
Halqara makemecilerniñ 10. işğalli bölüginiñ "makemecisi" Sergey Moskalenko para cezası aqqında qararnı çıqardı.
"Qırım" gazetasınıñ temsilcileriniñ taqipleri aqqında ne bilemiz
2024 senesi mayıs ayında muarrir Bekir Mamutnıñ, uquqiy şahısnıñ müdiri Seyran İbragimovnıñ evleri ve "Qırım" gazetasınıñ muarririyeti tintildi. Eki jurnalistni "Ekstremizmge qarşı küreş merkeziniñ" işğalli hadimleri tuttılar ve bir qaç saat devamında olarğa advokatlarnı yibermediler.
Bozarğan aynıñ 7. künü Kıyiv rayon makemesi "Qırım" muarririyetini memuriy uquq bozuluvında qabaatlı tanıdı. Rusiye Federatsiyasınıñ Memuriy cinayetler qanunnamesiniñ 20.3.3. maddesiniñ 1-inci qısmına binaen (Rusiye Federatsiyasınıñ Silâlı quvetlerini itibardan tüşürmek içün yapılğan açıq areketler) 300 biñ rublelik para cezası berdi.
Bozarğan aynıñ 18. künü Aqmescitniñ "Kıyiv rayon makemesi" "Qırım" muarriri Bekir Mamutqa 2022 senesi Qırımğa seferberlik aqqında qırımtatar faalcisinen intervyunı derc etkeni içün "Rusiye ordusını itibardan tüşürgeni" içün 100 biñ rublelik para cezasını berdi.
Bundan soñ Aqmescitteki Kıyiv rayon makemesi "Qırım" gazetasınıñ temsilcileriniñ şikâyet arizasını red etip, "Rusiye Silâlı quvetleriniñ itibarını tüşürgeni" içün 300 biñ rublelik para cezasını berdi.
Aynı vaqıtta Ukraina Yuqarı Şurasınıñ insan aqları vekâletlisi Dmıtro Lubinets bildirdi ki, Qırımda söz serbestligini yoq etmek ıntıluvlarınen Rusiye, Avropa insan aqları şartnamesiniñ 10. maddesi ve İnsan aqları umumiy beyannamesiniñ 19. maddesi ve 2022 senesi orta küz ayınıñ 6. künü BMTnıñ İnsan aqları şurasınıñ "Jurnalistlerniñ havfsızlığı" qararını boza . O, vaqtınca işğal etilgen topraqlarda jurnalistlerniñ taqip etilmesini toqtatmağa talap etti.
Telegram ve Facebookta Suspilne Qırım haberlerine abune oluñız
