Qırımda işğalli Aşırıcılıqqa qarşı merkezniñ işçileri, "Qırım" gazetasınıñ baş muarriri Bekir Mamutovnıñ evini tinttiler. Bundan ğayrı, gazetanıñ teşkilcisi Seyran İbrahimovnıñ evini tinttiler.
"Qırım birdemligi" içtimaiy birleşmesi bu aqqında haber berdi.
Qayd etildi ki, şahsiy evlerni tintken soñ işğalli polisniñ işçileri qırımtatar gazetasınıñ muarririyetine kettiler.
Belli oldı ki, uquq yardım etmesi içün advokat Edem Semedlâevni muarririyetke yibermediler.
"Qırım birdemligi" haber berdi ki, işğalciler "Qırım" gazetasınıñ baş muarriri Bekir Mamutovnı "RF SQni itibardan tüşürmege" ve "malümatnıñ sahte tarafını köstermege" qabaatlaylar.
Advokat Edem Semedlâev birinciden haber berdi ki, işğalli polis işçileri gazetanıñ teşkilcisi Seyran İbrahimovnı maşnağa mindirip, İİNniñ binasından alıp belli olmağan yerge kettiler.
Birazdan ögrenildi ki, gazetanıñ teşkilcisi evinde buluna.
"Belli oldı ki, Seyran İbrahimov evindedir. O özüni yaramy duyğanı içün polis işçileri onı alıp evge ketirdiler", — dep advokat Edem Semedlâev haber berdi.
Telegram ve Facebookta Suspilne Qırım haberlerine abune oluñız
