Qırımtatar Milliy Meclisiniñ birinci vekili Nariman Celâlnıñ qorantası endi Kıyivge yol ala. Oraq ayınıñ 5-nde aqşam sabıq siyasiy mabüs qadın ve balalarınen körüşecek.
Nariman Celâlnıñ qorantası Qırımnı terk etti — onıñ apayı Leviza ve dört balası Kıyivge yol alalar. Bu gece Celâl olarnı azat etilgeninden soñ ilk sefer körmege istey.
Bu aqta o Suspilnege bergen tefsirinde ayttı.
Bundan ğayrı, Qırımtatar Milliy Meclisiniñ reisi Refat Çubarov Facebookta sabıq siyasiy mabüsniñ qorantası kelgenini haber etti.
"Nariman qorantası — qadını Leviza ve dört balası artıq Ukrainağa yol ala. Şunıñ içün Nariman qorantasınıñ havfsızlığı içün yapılğan tedbirler lâğu etildi", — dep bildirildi.
O şunı da qayd etti ki, yarın saba sabıq siyasiy mabüs Nariman Celâl oña muracaat etken jurnalistlernen şahsen bağlanmağa planlaştıra.
Nariman Celâl aqqında ne bilemiz
Nariman Celâl — 2016 senesi Rusiye tarafından "ekstremist teşkilâtı" olaraq tanınğan Qırımtatar Milliy Meclisiniñ başınıñ muavini.
2021 senesi berim ayınıñ 3-4 künleri işğal etilgen Qırımda Rusiye quvetçileri tintüvler keçirdiler. Olar, Anğara köyünde "gaz borusında diversiya" davası çerçivesinde beş insannı tuttılar. Olarnıñ arasında Nariman Celâl da bar edi. Berim ayınıñ 6-da işğalli makeme onı tutıp, başqa mabüsler kibi apiske aldı.
2022 senesi berim ayınıñ 21-nde Qırımnıñ işğalli Yuqarı makemesi, Qırımtatar Milliy Meclisiniñ başınıñ birinci muavinine üküm çıqardı.
O, 17 sene sert rejimli müstemlekege üküm etildi, 700 biñ ruble para cezasını aldı, em de 1,6 sene devamında areket serbestligi sıñırlandı.
2022 senesi boş aynıñ 19-nda o, "Qırım inciri" — "Azatlıq sözleri" edebiyat mukâfatınıñ mahsus nominatsiyasınıñ laureatlarından biri oldı.
2023 senesi bozarğan ayda Qırımtatar Milliy Meclisiniñ başı Refat Çubarov, Aqmescitteki SİZOnıñ memuriyeti Celâlnı maneviy ve bedeniy cezalandırğanını bildirdi. 2023 senesi orta küz ayınıñ başında Celâlnı işğalciler Qırımdan Rusiye apishanesine etap ettiler.
Bpzarğan aynıñ 28. aqşamı prezident Volodımır Zelenskıy, esirlikten 10 ukrainalı azat etilgenini bildirdi: Nariman Celâl, Valeriy Matüşenko, Olena Peh, Boğdan Gelet, İvan Levıtskıy, Mıkola Şvets, Nataliya Zaharenko, Pavel Kupriyenko, Lüdmila Ğonçarenko ve Katerına Brühanova. Rus esirliginden azat etilgen ukrainalılar endi Kıyivdelerdir.
У Координаційному штабі з питань поводження з військовополоненими водночас уточнили, що цивільні українці були звільнені у межах 53-го обміну, який розпочався 25 червня з визволення 90 військових.
Aynı zamanda esir etilgenlernen tutuv meseleleri idare ştabı bildirdi ki, bozarğan aynıñ 25. künü başlanğan 53. deñişüv çerçivesinde ukrain vatandaşları ve 90 asker azat etildi.
Telegram ve Facebookta Suspilne Qırım haberlerine abune oluñız
