Deyerli bir seneden soñ işğal etilgen Aqmescit şeerinde demiryol vokzalı yanındaki şeer bağçasına sürgünlik fedaları abidesini qaytarıp oqydılar. 2023 senesi oraq ayında şeer bağçasını yañıdan abadanlaştırğanda onı alıp çıqardılar.
Crimean Tatars bu aqqında haber berdi.
Belli olğanı kibi, qırımtatar halqınıñ sürgünliginiñ seneliginden evel abideni keçken yerge qaytarıp qoydılar. Faqat anda yañı yazı bar.
"2014 senesi çiçeka ayınıñ 21. künü RF prezidenti V.V. Putinniñ "Ermeni, bulğar, yunan, italyan, qırımtatar ve alman halqlarınıñ reabilitatsiya tedbirleri ve olarnıñ uyanuvı ve inkişafını destek etüv aqqında" emri imzalandı", — yañı abidede yazılğan.
Aynı zamanda 20 sene evel qoyulğan eski taşta "Bu yerge qırımtatar halqınıñ genotsid fedaları abidesi qoyulacaq", dep yazılğan edi.
O zaman abide qoyulmadı, amma sürgünlik devrinde elâk olğanlarnı ürmetnen añmaq içün er sene mayıs ayınıñ 18. künü şu taş ögünde qırımtatarlar toplana ediler.
Telegram ve Facebookta Suspilne Qırım haberlerine abune oluñız
