2024 senesi mayıs ayınıñ 22. künü işğal etilgen Kirov rayon makemesinde qırımtatar Emine Zekeryayevanıñ qabaatınen bağlı oturışlar devam ete. Oña qarşı RF CQniñ 205.6. maddesine (cinayet aqqında haber bermeme) binaen cinaiy dava açıldı.
Advokat Emil Kurbedinovğa atıf eterek “Qırım birdemligi” bu aqqında haber berdi.
O añladı ki, makeme oturışında qabaatlayıcı taraf, eki ocanı soramağa istey edi. Bu ocalardan biri, şu cümleden qabaatlayıcı tarafnıñ, soravına ketti. Ekinci oca ketmegeni sebebinden prokuror tanıdı ki, makeme oturışını devam etmek olmaz.
“Şu ocalarğa suallerimiz yoq”, - dep Kurbedinov qayd etti.
Ertesi oturışı 2024 senesi bozarğan ayınıñ 5. künü olacaq. Advokat qayd etti ki, ocalardan biri ve uquq qorçalayıcı organlarğa bu cinaiy davanıñ neticelerini azırlağan mütehassıslardan biri soracaqlar.
“Qorçalayıcı tarafnıñ bu şaat ve mütehassısqa sualleri bar. Ümüt etem ki, kelecek oturışta elbette bu şaatnı sorarmız”, - dep Kurbedinov hulâsa çıqardı.
Emine Zekeryayeva aqqında ne bilemiz
Zekeryayevanıñ 18 yaşına yetmegen mektepten tış ayşındaki eki balası bar.
2023 senesi arman ayınıñ 7-sinde işğalciler onıñ evini tinttiler. O zaman qız, ana-babasınıñ evinde edi. FSB işçileri evini tintmek içün onı evge alıp ketirdiler. Birazdan qırımtatar qadına, Suriyege ketken ukrain vatandaşınıñ cinaiy davasında şaat olğanı aqqında haber berdiler. Evini tintken soñ taqiqatçılar, Zekeryayevanıñ cep telefonını açmağa tırıştılar. O advokatnı rica etti, amma işğalciler oña telefon etmege izin bermediler.
Bundan ğayrı, evini tintken soñ onı ve aqayını Aqmescitteki FSB binasına alıp ketirdiler.
Berim ayında belli olmağan bir insan oña daa bir kere telefon etip ayttı ki, onıñ evindeki tintüvde iştirak etti. Adam, taqiqat işleri içün Zekeryayevanıñ Canköydeki işğal Taqiqat eyyetine kelmesini talap etti. Qırımtatar qadını, şeadetname yollamağa soradı. Qurbedinovnıñ sözlerine köre, anonim mecburen kelecegini ve onı "Taqiqat eyyeti"ne alıp ketecegini ayıp qorquttı. Bunıñ içün advokat FSBge soratıcı ariza yazdı, amma oña yazdılar ki, "bozma tanınmadı".
2022 senesi para qış ayında Aqmescitteki işğal politsiyasiniñ işçileri, onıñ aqayı Asan Zekeryayevğa qarşı bir protokol tizdiler. "Makeme" binası yanında bulunğanı sebebinden. Mahsus tutuv müessisesinde 14 künlik memuriy tevqifni keçirdi.
Dört qırımtatar adamına: Ridvan Umerov, Ayder Kadırov, Ayder Adlâkimov ve Enver Töpçige qarşı "haber bermeme" aqqında davalar açtılar.
Telegram ve Facebookta Suspilne Qırım haberlerine abune oluñız
