BMTnıñ Eyyetiniñ neticesine köre, vaqtınca işğal etilgen Qırımnıñ sakinlerini rusiye vatandaşlığını almağa mecbur etmek, millet ayırımı ve insan aqlarınıñ bozulmasıdır.
Ukrainanıñ vaqtınca işğal etilgen topraqlarınıñ reintegratsiya meseleleri nazirligi bu aqqında haber berdi.
Bundan ğayrı, Eyyetniñ neticesinde qayd etildi ki, Rusiye Federatsiyası Ukraina vatandaşlarını cezalandırmaq içün işğal etilgen yarımadadan rusiyege qanunsız olaraq sürgün ete. Eyyet, böyle areketlerni insan aqlarınıñ bozulması olaraq tanıdı.
BMTnıñ Eyyeti tanıdı ki, azası olğan Vatandaş ve siyasiy aqları aqqında halqara paktqa binaen Rusiye, insan aqlarını bozdı. Şu cümleden:
— Rusiye Federatsiyası tarafından ukrain vatandaşlarınıñ tutulması qanunsızlıqtır, çünki Rusiye öz cinaiy qanunlarını işğal etilgen Qırımğa tarqatmadan evel yapqanları areketleri sebebinden maküm etildi.
— Ukraina vatandaşlarını cezalandırmaq içün olarnı Rusiyege etap etmek qanunsızdır.
— RF vatandaşlığını almağa mecbur etüv de ukrainalılarnıñ aqlarını boza ve milliy alâmetine ayırımdır.
"Qayd etmek kerek ki, tecavuzcı bir devletniñ Ukrainanıñ vaqtınca işğal etilgen topraqlarında yapqanı cinayetler, halqarar gumanitar uquqnıñ qaidelerini ciddetli şekilde boza", — dep ReNazirligi qayd etti.
Bundan ğayrı, nazirlik haber berdi ki, Milliy malümat bürosınen beraber ReNazirligi, Rusiyeniñ Ukrainağa qarşı silâlı tecavuzı neticesinde halqara gumanitar uquqnıñ qaideleriniñ bozulmasınen bağlı elektron malümat sistemasını yaratmağa çalışa:
Keçenlerde bu davanıñ arizacılarınıñ vekili, advokat Serhiy Zayets Suspilne Qırımğa şimdi bu qararnıñ manası ve Rusiyege qarşı başqa makeme davalarınıñ istiqbalini añlattı.
"Kerçekten de bu, Rusiye Federatsiyasınıñ Qırım yardımadasınıñ işğali ve işğalnen beraber insan aqlarınıñ bozulmaslarınen bağlı olğan ilk qarardır. Kerçekten de BMTnıñ İnsan aqları eyyeti bütün berilgen talaplarnen razı oldı ve tanıdı ki, Rusiye Federatsiyası Vatandaş ve siyasiy aqları aqqında halqara añlaşmada qayd etilgen insan aqlarını bozdı", – dep advokat ayttı.
O qayd etti ki, aynı qırım davalarında bu qarar, Avropa insan aqları makemesiniñ kelecek qararları içün temeldir. O hatırlattı ki, Ukraina ükümeti, Qırımnıñ işğali ceetinden ırq ayırımınen bağlı olğan devletlerarası şikâyetnamede o qadar muvafaqiyetli olamadı.
Telegram ve Facebookta Suspilne Qırım haberlerine abune oluñız
