Çiçek ayınıñ 25-inde işğal etilgen Aqmescitteki Kıyiv rayon makemesi, saban ayınıñ 5-inde tintüvler dalğası devrinde tutulğan “Hizb ut-Tahrir”niñ üçünci Canköy gruppasınıñ iştirakçileri Enver Halillaev, Nariman Ametov, Ali Mamutov, Vahid Mustafaev ve Arsen Kaşkanıñ Aqmescitteki 2. SİZOda tevqif müddetini arman ayınıñ 3-üne qadar uzattı.
Adokat Emil Kurbedinov “Qırım birdemligi”ne bu aqqında haber berdi.
"Biz endi eki senedir yavaş-yavaş delillerni ketirerek aytamız ki, bütün bu vaqialar, taqiqatçılar ve qorçalayıcılarnıñ bildirgenleri er şey köstere ki, FSB imaye etkenimiz adamlarnıñ qaçacaqlarından ya da nasıldır delillerni yoq eteceklerinden qorqmay. Olarnıñ SİZOda tevqifi - bu manasız qabaatlarnı tanımağa ve başqalarnı qabaatlamağa red etkenleri sebebinden olarğa tesir etüv usulıdır. Bu, olarnıñ taqiqat izolâtorında şu şiddetli şartlarda tevqifiniñ aqiqiy sebebidir”, - dep Kurbedinov qayd etti.
“Qırım birdemligi” Facebookta haber bergeni kibi öz destegini bildirmek içün “makeme” binası ögünde eki ay körüşmegen tevqif etilgenlerniñ aileleri toplandılar.
"Men aqayımnı destek etmege keldim, öz yañı doğğan oğlunı alâ daa körmedi. Uzaqtan körecegine ümüt ete edim. Ve men ile eki oğlum da keldi", — dep Arsen Kaşkanıñ apayı Katerına Ğudımenko qayd etti.
Tevqif etilgen adamlarnı destek etmege kelgen qırımtatar Asan Yurdamov da qayd etti ki, olarnıñ tek yahşı hısısiyetlerini bile, "olarnı qabaatlağan şeylerni yapmadılar".
"Hizb ut-Tahrir"niñ üçünci Canköy gruppası aqqında ne bilemiz
2024 senesi saban ayınıñ 5-inde işğal etilgen Qırımda yañı kütleviy tintüvler dalğası keçti. Bağçasaray ve Canköy rayonında rus quvetçileri onlarca qırımtatarnıñ evlerini tinttiler.
Aynı kün "makeme" olardan dörtüni — qırımtatra faalcisi Memet Lümanov, Aziz Azizov, Rustem Osmanov ve Mustafa Abduramanovnı 2. SİZOda 2024 senesi mayıs ayınıñ 4-üne qadar tevqif etti.
İşğal etilgen Aqmescitteki Kıyiv rayon makemesi, işğal etilgen Qırımda yañı kütleviy tintüvlerden soñ rus quvetçileri tarafından tutulıp qapatılğan 6 qırımtatar faalcisine ve diniy erbapqa qorçalayıcı tedbirni sayladı. Eski imam Remzi Kurtnezirovğa ev tevqifi şeklinde qorçalayıcı tedbir saylandı. işğal etilgen Aqmescitteki Kıyiv rayon makemesi Amet Nariman, Ali Mamutov ve Arsen Kaşka, enver Halilev ve Vayit Mustafaevni 2024 senesi mayıs ayınıñ 5-ine qadar tevqif etmege üküm çıqardı.
Olarnı "Hizb ut-Tahrir" islâm siyasiy fırqasında iştirak etmege qabaatlaylar. Olarnıñ çoqusı çoq balalı babadır.
Hizb ut-Tahrir islâm fırqası sadece Rusiyede terrorcı bir teşkilât olaraq tanındı, çünki bu teşkilâtnıñ azaları, musulmanlarğa repressiyalar sebebinden muntazam tarzda işğal akimiyetini tenqit ete ediler. Aynı zamanda Hiz ut-Tahrir dünyanıñ ülkeleriniñ çoqusında ve Ukrainada serbest şekilde faal ete.
Telegram, Viber ve Facebookta Suspilne Qırım haberlerine abune oluñız
