2023 senesi vaqtınca işğal etilgen Qırımda ukrain taraflı narazılıqlarnıñ sayıfı arttı. Aynı zamanda 2022 senesinden evel Qırımda böyle küçlü ukrain taraflı qarşılıq yoq edi.
Vekillik ve Qırım Platforması Ofisiniñ 2022-2023 seneleri faaliyetine bağışlanğan matbuat konferetsiyasında Ukraina prezidentiniñ QMCdeki daimiy vekili Tamila Taşeva bu aqqında haber berdi.
“2014 senesinden berli uquq qorçalayıcı saada devlet müessisesinde çalışqan kişi olaraq ayta bilem ki, yarımadada böyle küçlü ukrain taraflı qarşılıq yoq edi. Bunıñ bir aaç sebebi bar. Amma esas sebep - yarımadada insanlar duyalar ki, Ukraina Qırım içün kerçekten cenkleşe, tek siyasiy-diplomatik seviyede degil, arbiy seviyede de cenkleşe. Keriç köpründe, Aqyar flotu toprağında, türlü bazalarda bir qaç patlama duyuldı. Ve kerçekten Qara deñizdeki böyle bizim muvafaqiyetlerimiz, bizim USQimizniñ añlatqanı ve ğurulanğanı şeyler bar”, - dep qayd etti o.
İşğal qırım makemeleriniñ bilgilerine köre, eñ az 517 insanğa qarşı memuriy dava açıldı. Olardan 312-si 2023 senesi. Vekillikte qayd ettiler ki, böyle vaqialarnıñ sayısı arta, amma bu, “makemeciler”niñ berilgen qararlarıdır.
Bundan ğayrı, “RF SQni itibardan tüşürüv” maddesine (RF CQniñ 20.3.3. maddesi) mübici bu sene qırım sakinlerine qarşı dört cinaiy dava açıldı.
Telegram, Viber ve Facebookta Suspilne Qırım haberlerine abune oluñız
