Herson vilâyetiniñ vaqtınca işğal etilgen topraqlarında Rusiye Federal telükesizlik hızmeti, "Noman Çelebicihan adına qırımtatar batalyonı"nıñ faaliyetinde iştirak etmekte qabaatlanğan Novooleksiyivka qasabasınıñ sakini Halil Qurtametni tuttı. Ruslar onı "aşırıcılıq bir teşkilât" olaraq tanıdırlar.
Suspilne Qırımnıñ menbaları, tutulğan adamnıñ adını bildirdi. Yerli Telegram kanallarında da onıñ aqqında laf eteler.
"Rus cezacıları, 1966 senesi doğğan Qurtamet Halil Apasovnı tuttılar. İşğalden evel o, Novooleksiyivkada iş adamı edi (tehnikiy hızmet ve maşnalarnı tamir etüv), bundan ğayrı "İslam" yerli dinin cemaatınıñ başı edi", — der bildirildi.
Herson vilâyetindeki Rusiye UFSBniñ işğal taqiqat bölügi, tutulğan adamğa qarşı cinaiy dava açtı. Sanki "qanunsız silâlı şekillendirüvde iştirak etkeni" sebebinden. Qurtamet tevqif astında buluna. O, 15 senege maküm etile bilir.
"Noman Çelebcihan adına qırımtatar batalyonı"nda iştirak etken ukrainalılarnıñ qabaatları aqqında ne bilemiz
- Qırımtatar Maaliy Merkezinin bilgilerine köre, apishanelerde işğalciler eñ az 33 ukrain vatandaşını tutalar. Qırımda ve Ukrainanıñ işğal etilgen cenübiy topraqlarında FSB olarnı tuttı ve "Noman Çelebcihan adına qırımtatar batalyonı"na ait olmaqta qabaatladı.
- Qırım uquq qorçalayıcı gruppasınıñ bilgilerine köre, 2022 senesi Qırımda bu "batalyon"da iştirak etmekte qabaatlanğan eñ az 15 insan maküm etildi. Tolu miqyaslı tecavuzdan soñ devletniñ cenübinde rus askerleri tarafından tutulğan ukrainalılar da maküm etildi.
- "Noman Çelebcihan adına qırımtatar batalyonı" kerçekten de mevcut olmay. 2016 senesi kiçik ayda Qırımda İçtimaiy qurşavnıñ iştirakçileri, içtimaiy nizamni qorçalav ve devlet kontroli içtimaiy şekillenüv "Asker" qayd ettiler. O, işğal etilgen yarımadanın memuriy sıñırdaki sıñırcılarnen resmen işdeşlik yapa edi.
Telegram, Viber ve Facebookta Suspilne Qırım haberlerine abune oluñız
