"Arqa develet operatorı" devlet müessesesiniñ yañı baş müdiri Arsen Jumadilov, agentlikniñ esas işi ve vazifelerini añlattı.
Suspilne Sprotıvnıñ canlı yayınında bu aqqında haber berdi.
Jumadilov qayd etti ki, agentlik Mudafaa nazirliginiñ parası ve devlet bücetinden paranen Ukrainanıñ menfaatına alış yapacaq.
"Şu cümleden, Mudafaa nazirliginiñ bölüklerinden biri olğan teminat departamentiniñ alğanları şeyler aqqında laf etemiz. Em aşayt mahsulatı, em eşyalar ve yaqarlıq malzemeleri. Amma agentlik tek bu yapmaycaq, USQniñ şimdi ihtiyac duyanları başqa şeylerni de alacaqtır. Şu cümleden, misal içün, endi kelecek sene bazı tibbiy eşyalarnı almağa başlaycaq", — dep haber berdi o.
"Arqa develet operatorı"nıñ baş müdiriniñ sözlerine köre şimdi agentlik çalışmağa başladı ve mezkür vazifelerni yapmaq içün "küçüni attırmalı".
"Öz başına taqımnı toplamaq, bugün mevcut olğan esas vazifelerimizden biridir. Birinciden taqımımızğa tahminen 32-33 insan sayladı. Agentlikniñ bugünki terkibi (tahminen 120-130 insan) bizge ve Mudafaa nazirligine teklif etilecek. Onı hadimlernen toldurmalımız. Er bir insan, qabarcılıqqa sabırlı olmamalı. Olar, ihtisasiy olmalılar, alışnıñ uquqiy tarafını añlamalılar, saip olğanımız şeylernen ne olğanını talil etmeliler. Ve USQniñ ihtiyacları içün muntazam teminatın olğanını bildermelimiz", — dep Jumadilov qayd etti.
Askerler içün aş
Arsen Jumadilov qayd etti ki, esasa maqsadı, USQ içün keyfiyetli ve çoq kaloriyli aştır.
"Askerlerimizniñ alğanı aşlarnıñ kaloriyi yüksek, keyfiyetli ve uyğun fiyat-para ceetinde olması içün çalışacaqmız. Çünki bu bergi mükellefleriniñ parasıdır. Ayrıca askerlerniñ mahsus ihyiacları aqqında laf etemiz — helal veya koşer aş olsun. Bunı temin etmek içün çalışacaqmız. Amma esas maqsadımız, aşama ceryanınıñ kontrol etilgen, añlaşılır ve açıq-aydın olmasıdır. Bu senenin başından belli olğan vaqialar olmasın dep", — dep agentlikniñ müdiri qayd etti.
Satın alma işlerinde prioritetler
Arsen Jumadilovnıñ sözlerine köre, "Arqa develet operatorı" devlet müessesesiniñ işiniñ başlanğıcı, Ukraina Mudafaa nazirliginiñ bölüginiñ yapqanı satın almalardır.
"Aş, eşyalarnen teminat, urba, ayaqqapları, zırhlı yelekler, demir başlıqlar ve ilâhre. Arbiy tibbiyetçiler ve askerlerniñ ihityacları içün yaqarlıq malzemeleri ve tibbiy eşyaları satın alamız. Bundan soñ baqarmız ve satın alacağımız şeylerni tesbit etecekmiz. Şu anda USQ çerçivesinde arbiy kısımlar ya öz başına ya da arbiy idare organları bunı yapalar. Eger biz, olarnıñ ya semereli ya da muvafaiqyetli olmağanını körsek, bu tür eşyaları merkezleştirilip yaparmız", — dep Jumadilov hulâsa çıqardı.
Keçenlerde mudafaa naziriniñ muavini Dmıtro Klimenkov, 2023 senesi ilk qış ayından berli Ukrainada yañı agentlikniñ - "Arqa devket operatorı" çalışacağını haber berdi. O, Ukraina Silâlı Quvetleriniñ ihtiyaçlarını satın alma vazifesini alacaq. Klimenkov qoştı ki, aş satın alma qaidelerine deñişmeler, endi şimdi qabarcılıgq telükelerini pek azlaştırmağa imkân bergen bir vaqtınca tedbirdir. "Arqa devlet operatorı" başlamadan evel.
USQ içün aş satın alma şamatası aqqında ne bilemiz
Mudafaa nazirligi tüşüne ki, Ukraina Silâlı Quvetleri içün aş satın almaq maqsadına ayırılsan para hızsızlandı. Qara qış ayınıñ 21-inde "Afta küzgüsi", "Bizim paramız" levhasınıñ temel qoyucısı ve juralisti Yuriy Nikolovnıñ malümatını yayınladı. Anda bildirildi ki, Ukraina Mudafaa nazirliginiñ iştirakinen USQ içün aş satın almaq maqsadına para hırsızlanır. Şu cümleden, jurnalistniñ sözlerine köre, müessise yımırtalarnı 17 grv/dane, qartop 22 grv/kilo satın aldı, amma Kıyivdeki tükânlarda yımırta 7 grv/dane ve qartop 8-9 grv/kilo satıla edi.
Mudafaa nazirligi bildirdi ki, ordu içün aş pek yüksek fiyatlarğa satın alma aqqında malümat, aselet yapılğan areketlerdir ve yañlış yaptırır. Müessise haber berdi ki, aselet yañlış bilgilerni tarqatuvğa dair taqiqatnıñ keçirilmesi içün içeri teşkerüv keçirirler ve UTHe bilgilerni azırlaylar.
Telegram, Viber ve Facebookta Suspilne Qırım haberlerine abune oluñız
