Qırım işğal politsiyası, ukrain siyasiy mabüslerini qorçalağan ve keçenlerde tevqif etilgen advokat Oleksiy Ladinni uquq faaliyeti litsenziyasından marum etüv ricasının hitap etti.
İşğal İçki işler nazirliginiñ matbuat relizinde bu malümat bildirildi.
Ladinni litsenziyadan marum etmek içün politsiyanıñ qaysu tedbirlerni keçirgeni qayd etilmedi.
"Mediazona" neşiri bildirdi ki, terkibinde bulunğanı tek bölge palatasınıñ eyyeti, advokatnıñ areketlerinde intizam bozmalarınen bağlı meselelerni çeze bilir. Ladin işinde ise Tümen vilâyet salatası aqqında laf etemiz. Başqa müesseseler, tek böyle rica ete bilirler.
Hatırlatamız ki, orta küz ayınıñ 13-ünde Aqyardaki dairesi tintilgen soñ Oleksiy Ladin tutuldı. Bundan soñ yasaqlanğan timsallerni kösterüv davasında (RF CMQniñ 20.3. maddesiniñ 1. qısmı) makeme, onı 14 künge tevqif etti.
Oleksiy Ladin aqqında ne bilemiz
- Oleksiy Ladin, Hizb ut-Tahrir islâm fırqasına ait olmaqta Qırımda işğalciler tarafından qabaatlanğan qırımtatarlar üzerinde çoq makeme ceryanında iştirak etken qırım advokatıdır.
- Rusiyeniñ Ukrainağa tolu miqyaslı tecavuzından soñ adam, işğalciler tarafından cinaiy davalarda qabaatlanğan esir etilgen ukrain askerleri ve tutulğan vatandaşlarını qorçalay edi.
- Şu anda Rostov-na-Donuda Oleksiy Ladin, Rusiye tarafından terrakta qabaatlanğan Melitopol faalcisi Yaroslav Juknı qorçalay.
Telegram, Viber ve Facebookta Suspilne Qırım haberlerine abune oluñız
