"Sarı şerit" içtimaiy qarşılıq areketiniñ terkibinde eñ az 6 biñ faalci vaqtınca işğal etilgen Qırımdandır. Olar, ruslarnıñ tesirine baqmadan, işğalge qarşılıq köstermege devam eteler.
"Sarı şerit" qarşılıq areketiniñ idarecisi İvan, Suspilne Qırımğa bu aqqında haber berdi.
"Şimdi bizim areketimizniñ terkibinde eñ az 6 faal Qırım sakini bar ve bizim çat-botumıznıñ isaiyatı bunı kösterir. Elbette, bu sayı daa yüksektir. Aynı zamanda bu, işğal akimiyetinde pek sebepsizlikni doğura, bunıñ içün de olar, çoqusı allarda tek propaganda olğan öz politsiya ve qarşı diversiya rejimleriniñ küçüni arttırmağa tırışalar. Yani olar, insalarnıñ tutulmaları, tevqifleri aqqında sahte malumat tüşünip yayınlarlar ve bunıñ sebebinden olar, insanların tutmağa tırışırlar", — dep areketniñ idarecisi añlattı.
Şu anda yarımadada ukrainalılarnıñ qarşılığı arta. Olar, sarı şeritlerni bağlap asmağa ve Amescit, Aqyar, Yalta, Kezlev, Qarasuvbazar ve Köktebel kibi şeerlerinde qırım manzaları fonunda ukrain timsalleriniñ fotoresimlerini çıqarmağa devam eteler. Ekim ayınıñ 9-ında "Sarı şerit" resmiy Telegram kanalında faalciler, fotoresimlerden bazılarını yayınladılar.
Qırımda "Sarı şerit" faalcileriniñ soñ areketleri aqqında ne bilemiz
- "Sarı şerit" partizan areketiniñ iştirakçisi olğan 59 yaşındaki Qırım sakini Violetta Stolârova, Suspilne Qırımğa Qırımnıñ rus işğaline qarşılıqnı ve ukrain taraflı nazar noqtaları aqqında taqiplerni añlattı.
- Bundan ğayrı, "Sarı şerit" areketi, "Oçi" yañı çat botunı yarattı. Anda rus tecavuzcılarınıñ Ukrainanıñ vaqtınca işğal etilgen topraqlarındaki cenk cinayetleri aqqında malümat yollamaq mümkün.
- "Sarı şerit" qarşılıq areketi, "Rus şeyleri yansıñlar" adlı yañı müddetsiz aktsiyasını başlattı. Faalciler, Ukrainanıñ vaqtınca işğal etilgen topraqlarında rus timsallerini ateşke taşlamağa ve alıp çıqarmağa çağıralar.
- Bozarğan ayda Qırımda "Sarın şerit" faalcileriniñ sayısı 3 500ge yetti.
- Bu areketniñ qırım yönelişi idarecisi bildirdi ki, işğalcilerniñ isteklerine baqmadan faalciler toqtamaycaqlar. Aksine de, er kün qarşılıq areketi daa quvetli olacaq.
- Bundan ğayrı, "Sarı şerit" faalcileri, Avrupa parlamentiniñ mebuslarına Qırım işğalden azat etilecek soñ Kıyiv -Aqmescit trenine biletlerni ediye ettiler ve yarımadada qarşılıq köstergen ve qarşılıq areketini destek etken insanlardan mektüplerni berdiler.
Telegram, Viber ve Facebookta Suspilne Qırım haberlerine abune oluñız
