Berim ayınıñ 26-sınıñ gecesi işğal etilgen Aqyarda (berim ayınıñ 25-inde anda ava telükesi sesi ve patlamalar duyuldı) ukrain taraflı faalciler reyd keçirdiler - olar, işğalge qarşılıq bildirmek içün eñ az 150 sarı şeritni bağlap astılar.
Öz Telegram kanalında "Sarı şerit" içtimaiy qarşılıq areketi, bu aqqında haber berdi.
"Aqyardaki gece reydi vaqtında "Sarı şerit" areketiniñ faalcileri, eñ az 150 şeritni bağlap astılar. Şimdi raşitlerniñ üç renkli ve eki başlı tavuqlarnen bayraqları ögünde sarı şeritler dalğalanalar", – dep bildirildi.
Aqyarda faalciler gece reydini keçirdiler. Фото: Telegram/Жовта стрічка
Aqyarda faalciler gece reydini keçirdiler. Фото: Telegram/Жовта стрічка
Aqyarda faalciler gece reydini keçirdiler.
Aqyarda faalciler gece reydini keçirdiler. Фото: Telegram/Жовта стрічка
Aqyarda faalciler gece reydini keçirdiler. Фото: Telegram/Жовта стрічка
Qırımda "Sarı şerit" faalcileriniñ soñ areketleri aqqında ne bilemiz
- 59 yaşındaki Qırım sakini, "Sarı şerit" partizan areketiniñ iştirakçisi olğan Violetta Stolârova, Suspilne Qırımğa Qırımda rus işğaliclerine qarşılıq ve ukrain taraflı nazar noqtası içün taqiplerni añlattı.
- Arman ayınıñ 24-ünde Ukraina Mustaqillik künü "Sarı şerit" areketi, "Aqmescit — Ukrainadır" adlı eñ miqyaslı online mitingin başlattı.
- Arman ayınıñ 23-ünde Ukraina Devlet bayrağı künü işğal etilgen Qırımdaki Şaan qayada bu areketniñ faalcileri, ukrain bayrağını astılar.
- Bundan ğayrı, "Közler" yañı çat botunı yarattı, oña Ukrainanıñ vaqtınca işğal etilgen topraqlarındaki rus tecavuzcılarınıñ cenk cinayetleri aqqında malümat yollamaq mümkün.
- "Sarı şerit" qarşılıq areketi, "Rus eşyaları yansıñlar" adlı yañı müddetsiz aktsiyanı başlattı. Faalciler, Ukrainanıñ vaqtınca işğal etilgen topraqlarındaki rus timsallerini yanmağa ve çıqarmağa çağıra.
- Bozarğan ayda Qırımda "Sarı şerit" faalcileriniñ sayısı 3 500 insan oldı.
- Bu areketniñ qırım bölüginiñ idarecisi bildirdi ki, işğalcilerniñ isteklerine baqmadan faalciler toqtamaycaqlardır. Aksine de, er kün qarşılıq areketi daa pekitecektir.
- Bundan ğayrı, "Sarı şerit" faalcileri, Avrupa parlamentiniñ mebuslarına Qırım işğalden azat etilecek soñ Kıyiv -Aqmescit trenine biletlerni ediye ettiler ve yarımadada qarşılıq köstergen ve qarşılıq areketini destek etken insanlardan mektüplerni berdiler.
Telegram, Viber ve Facebookta Suspilne Qırım haberlerine abune oluñız
