Respeecher ukrain startup'ınıñ işçileri, suniy zekâ içün qırımtatar tilini yazıp aluv ceryanıñ nasıl keçkenini añlattılar.
Kıyivde Respeecher ses yazıp alıcı studiyasını ziyaret etken Suspilne Qırım mühbirleri bunı ögrendiler.
Studiyada bunı yahşı şaraitte yapmağa kelgen insanlar içün seslerini yazıp alalar. Mikrofon kabeli, bu faylnı raqmiy şekilde saqlağan yazıp alıcı aletke bağlandı. Bundan soñ mütehassıslar, sesleri diñleyler ve saylaylar.
"Bundan soñ idman içün bilgilerni azırlaymız ve endi çalıştıramız. Bunı şunen beñzetmek mümkün: bala doğğanda ve çoq til eşitkende birini nasıl tekrarlağanını özü añlay", - dep Respeecher işçisi Pavlo Zelenov qayd ettiler.
Leyhanıñ azalarından biri olğan ve öz sesini yazıp almaq içün endi bir qaç kere kelgen Ahtem Amzayev añlattı ki, leyhanen meraqlandı, çünki bu, onıñ ana tilini populârlaştırmağa yardım etecek.
"Men qırımtatarım. Men Qırımda doğdım, anda büyüdim. Qırımtatar ailesinde yaşay edim. Elbette, böyle adetimiz edi, qırımtatar tilinde laf etmek... Daa çoq qırımtatar tili taşıyıcısı buña qatılmalı, daa çoq ses yazıp almalılar, daa çoq malümat bermeliler, bu levhanın neticesini tezce qullanmamız içün", - dep qayd etti o.
Respeecher ukrain startup'ı aqqında ne bilemiz
Leyhanıñ temel qoyucılarından biri Dmıtro Belevtsov, Suspilne Qırımğa añlattı ki, şimdi Respeecher qırımtatar tilinde 1000 saat yazıp aluv kampaniyasınen mezkür maqsadına irişmege ıntıla - bu tilni populârlaştırmağa ve saqlamağa.
"Qırımtatar tilini tarqatmaq içün kerekli çoq farqlı şey o vastasınen qurmaq içün, eger qırımtatar tilini çoq mahsul, ses yardımcıları, oyunlar, deskort, çeşit-türlü çat-botlar, türlü talimatlarda körmege ve eşitmege istesemiz, yeterli bilgiler amalımız", - dep añlattı o.
Yarım sene devamında tahminen 70 saatlik malümat toplandı. Suni zekânı idman etmege başlamaq içün azdır, dep teşkilciler qayd eteler. Olar, til taşıyıcılarını leyhağa qatılmağa çağıralar.
İçtimaiy ağlardaki Respeecher saifelerinde leyhağa qatılmaq ve studiyada sesiñiznıi yazıp almağa ya da eviñizde yavaş odada bunı yapmağa añlaşmaq mümkün. Sesni yazıp aluv, eñ az buçuq saat devam etmeli.
Mayıs ayında Dmıtro Beşevtsov, qırımtatar tiliniñ tanınması içün suniy zekânı idman etken öz startup'ını ve bu leyhanıñ onı populârlaştırmağa nasıl yardım etecegini Suspilne Qırımğa añlattı. Taqın ümüt ete ki, yarım sene devamında kerekli yazıp aluvlarnı alacaq.
Telegram, Viber ve Facebookta Suspilne Qırım haberlerine abune oluñız
