Bu gece Qırımda AMS çalışa edi, Yañı Qapuda patlavlardan soñ elektrik yoq oldı

İşğal etilgen Qırımnıñ Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Yañı Qapu şeerinde bir qaç patlavdan soñ gece elektrik yoq oldı. Yarımada ve Qara deñizde Rusiye ava mudafaası (AMS) da çalışa edi.

Orta küz ayınıñ 21-nde Rusiye Mudafaa nazirligi Telegramda bunı bildirdi.

Nazirlik, orta küz ayınıñ 20-nde saat 20:00-den orta küz ayınıñ 21-nde saat 08:00-ge qadar Rusiye AMS Rusiye, Qırım ve Qara deñiz üzerinde 373 ukrayin dronını yoq etkenini bildirdi.

«Krım 24» Rusiye teşviqat neşiriniñ haber etkenine köre, «Krımenergo» işğalli müessisesi Yañı Qapuda ve şeer yanındaki Novorıbatske köyünde elektrik kesilgeni aqqında haber etti. Elektrik energiyasınıñ ğayrıdan tiklenüvi üç saat içinde planlaştırıla.

Aynı vaqıtta yerli sakinler «Qırım yeli» monitoring Telegram kanalına, Perekop (Or) rayonınıñ şimalinde tahminen saat 23:30-ta dronlarnıñ uçqanını, mobil operativ gruppasından ateş açılğanını ve patlavlar, şu cümleden tren vokzalı civarında patlavlar eşitkenlerini bildirdiler.

Hatırlatamız ki, USQniñ İnsansız sistemalar quvetleriniñ oraq ayınıñ 6-ndan berli devam etken «Qırım rubilniki off» ameliyatı neticesinde askerler VİETda, şu cümleden Qırım ve Rusiyede, 412 energiya merkezine ücüm ettiler. Tek ilk küz ayınıñ ekinci on kününde 38 obyekt zarar kördi, olardan onu — Qırımda.

Читати ще