Oraq ayından başlap devam eteyatqan Ukrayina Silâlı Quvetleriniñ İSQ «Qırımnı söndürmek» areketi neticesinde cenkçiler vaqtınca işğal etilgen territoriyalarda, şu cümleden Qırımda ve Rusiyede 412 elektrostantsiyağa ücüm ettiler. Tek berim ayınıñ ekinci dekadasında böyle 38 obyektke zarar keldi, olardan onu Qırımda.
Berim ayınıñ 23-te öz Facebook saifesinde İSQ komandanı Robert «Madâr» Brovdi bu aqqında haber etti.
Hususan, işğal etilgen yarımadadaki aşağıdaki on obyekt muzakere etile:
- Orlivka gaz paylaştıruv stantsiyası (GPS);
- Bağçasaray-2 GPS;
- Biloğirsk GPS şeeri;
- Qır-Baylar GPS;
- Holmivka GPS;
- Ğornostayivka GPS;
- Klepınine GPS;
- İslâm-Terek GPS;
- Holmivka GPS (kene de);
- Tasunove kompressor stantsiyası.
Berim ayınıñ 22-de «Madâr» haber etti ki, Ukrayina Silâlı Quvetleriniñ İSQ «MoLoÇKa» operatsiyası 11 afta devamında, oraq ayınıñ 6-dan başlap devam ete. Bu vaqıt devamında cenkçiler Qara ve Azov deñizlerinde Rusiyeniñ «kolge flotu»nıñ 300 gemisini saqat ettiler.
Hatırlatamız, berim ayınıñ birinci aftasında Ukrayina İSQ işğal etilgen Qırımda ve Rusiye tarafından işğal etilgen diger territoriyalarda 34 energetik tüyümniñ yoq etilgeni aqqında ilân ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
