«Hizb ut-Tahrir davası»nıñ beşinci Bağçasaray gruppasınıñ siyasiy mabüslerniñ aqrabalarını işğalli ve Rusiye quvetçileri, işğal etilgen Qırımdan Rostov-na-Donuğa mahkemege ketkende yolda tuttılar. Qırım köpründe olarğa daa tenbiye«memuriy qanun bozmalarnı yapmaq, em de qanun bozğan ya da cemaatqa qarşı areket etmege devam etmek içün imkân yaratqan areketlerniñ olmamazlığı» aqqında de berdiler. Uzun müddetli tekşerüv sebebinden olar taqiqat izolâtorındaki aqrabalarına posılkalarnı bermege yetişemediler.
Suspilne Qırım uquq qorçalayıcılar arasındaki menbalardan bu aqqında belli oldı.
Orta küz ayınıñ 12-nde «Hizb ut-Tahrir davası»nıñ beşinci Bağçasaray gruppasıSöz Abdulmecit Seitumerov, Remzi Nimetulayev, Amethan Umerov, Ruslan Asanov, Eldar Yakubov ve Seidamet Mustafayev aqqında ketenıñ siyasiy mabüslerniñ apayları, ana-babaları ve aqrabaları işğal etilgen Qırımdan Rostov-na-Donuğa yolğa çıqtılar. Olar, siyasiy mabüsler üküm çıqarılmadan evel munaqaşalarda söz almağa azırlanğan mahkeme oturışına qatnamağa planlaştırğan ediler.
Amma yolda, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında, saat 22 civarında «şeer polisi»niñ yolbaşçılarından bir zabit yolbaşçılığındaki YQHyol-qaravul hızmeti ve İİNİçeri işler nazirliginiñ hadimleri insanlarnı toqtattılar.
«Olar toqtatuv sebebiniñ «qanunsız köçkenler»ni qıdıruv tedbirleri sebebinden vesiqalarnı tekşerüv olğanını bildirdiler. Pasportlar alınğan soñ insanlar maşna içinde bir saatten ziyade beklediler. Quvetçiler Qırım sakinleriniñ malümatını polis bazası boyunca tekşerecegini vaat ettiler. Soñra insanlarnı yiberdiler», — dep bildirdi menbalar.
Amma Qırım köprüKeriç bozğından keçip, işğal etilgen Qırımnı RFnen birleştirgen ve Rusiye qanunsız qurğan 19 kilometrlik naqliyat keçitine kirmezden evel, maşnalarnı tekşerüv noqtasında, insanlarnı yañıdan tuttılar. Aqrabalar şahsiy tekşerüvni mania olmadan keçtiler, amma maşnalarnı tekşerüv basamağında naqliyatnı bir sebepten skanerden keçirmediler.
Şaatlarnıñ añlatqanlarına köre, olarnı vatandaş urbasını kiygen bir adam ve «MintransRusiye Federatsiyası Naqliyat nazirligi» hadimi qarşıladı. Bundan soñ episini beklemek zalına topladılar ve ketmemesini tenbiyelediler. Tahminen saat eki-üçte aqrabalarnı ekişer çağırıp tekşerüv noqtasındaki ayrı odağa ala ediler. Anda vatandaş urbasını kiygen dört-beş «hadim» bulundı. Olar aqrabalarğa tenbiyename yazıp toldurdılar, aynı zamanda pasport malümatını telefonlarına yazdılar.
«İnsanlar «Aşırıcılıqqa qarşılıq merkezi»niñ resmiy tenbiyenamelerini aldılar, amma aqrabalardan iç kimge vesiqalarnıñ nushalarını bermediler. Vesiqada tenbiyename «idariy uquq bozuvını yapmaq şartlarını yaratqan areketlerniñ, em de qanunğa qarşı ve (ya da) cemiyetke qarşı areketniñ devamınıñ yol berilmezligi» maqsadınen berilgeni yazılğan edi. Tutulğanlarğa sual berilmedi, «er şey pek tez keçti», dep añlattı delegatsiya iştirakçisi. Bir müddetten soñ noqta hadimleri maşnalarnı tekşerüvge qabul ettiler», — dep tafsilâtlandırdılar.
Saba saat yedide işğal etilgen Qırım sakinleri Rusiyeniñ Rostov-na-Donuğa yolunı devam etip oldılar. İşğalciler tarafından suniy yaratılğan keçikme sebebinden insanlar saba poçtağa yetişmediler, taqiqat izolâtorındaki aqrabalarına posılkalarnı beremediler.
Em de mahkeme binasına yaqınlaşqanda delegatsiyanı Rusiye uquq qorçalav sistemasınıñ hadimleri olğan beş polis maşnası bekley edi. Olar mahkeme oturışı bitkenine qadar, aqşamğa qadar, bina yanında bulundılar.
Hatırlatamız ki, Rusiye quvetçileri yolda tutmaqnı qırımtatar delegatsiyalarınıñ azalarına basqı yaptırmaq içün ilk kere qullanmaylar.
2025 senesi küzünde dört qırımtatar qadınğa — Esma Nimetulayeva, Elviza Aliyeva, Nasiba Saidova ve Fevziye Osmanovağa — qarşı «dava» açılğan soñ, tutulğanlarnıñ ana-babaları da dahil, 16 qırımtatardan ibaret olğan delegatsiya Moskvağa ketti. Anda insanlar sabıq RF ombudsmanı Tetâna Moskalkovanıñ ofisini, Baş Prokurorlıq ve Prezident idaresini ziyaret ettiler, yarımada sakinleriniñ imzalı muracaatlarını alıp kelgen edi.
Moskvağa yol alğanda delegatsiyanıñ mikroavtobuslarını bir qaç kere toqtattılar, insanlarnı çeşit sebeplerden tuttılar. O zaman aqrabalar «quvetçiler qırımtatar delegatsiyasınıñ Moskalkova ile körüşmesine añlı tarzda mania olğanı»nı añlattılar.
"Hizb ut-Tahrir davası"nıñ beşinci Bağçasaray gruppası aqqında ne bilemiz
2023 senesi arman ayınıñ 24-ünde rus quvetçileri, qırımtatar Ruslan Asanov, Seydamet Mustafayev, Remzi Nemetulayev, Abdulmecit Seitumerov, Amethan Umerov ve Eldar Yakubovnıñ evlerini tinteler.
Beş adam, cemaat faalcileri ve çoq balalı babalardır. Keçenlerde Seitumerovnıñ balası doğdı. Abdulmecit, 2020 senesi saban ayında teqif etilgen, 17 ve 14 senege maküm etilgen Bağçasaraydan süyasiy mabüsler olğan Osman ve Seitumer Seitumerovnıñ doğmuş qardaşıdır.
Terrorcılıqta qabaatlanıp tevqif etilgen başqa qırımtatarlarnı destek etici numayışlarda bütün altı Bağçasaray faalcisini bir qaç kere tuttılar.
Nimetulayev ve Mustafayevni bir qaç künge tevqif ettiler. İşğalciler, "vatandaşlarnıñ kütleviy bulunmalarınen içtimaiy nizamnı bozğanı içün" Yakubovğa 10 biñ rublelik para cezasını berdiler. Umerov ise mahsus tutun müessisesinde bir qaç kün keçirdi ve "FV ya da telükesi vaqtında qaidelerni riayet etmeme aqqında" aynı maddege mücibi para cezasını ödedi.
2023 senesi berim ayında "UFSBniñ ayrıca müim meseleler üyken taqiqatçıcı" Vitaliy Vlasov Yakubovğa ve davanıñ başqa iştirakçisiniñ apayı Feride Halilovağa aqaylarınen körüşmege izin bermedi. Beşinci Bağçasaray gruppasınıñ iştirakçileriniñ apayları aynı rednamelerni aldılar.
Hizb ut-Tahrir, islâm siyasiy fırqasıdır. 2023 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
2024 senesi orta küz ayınıñ 21-nde Rostov-na-Donu Cenübiy bölgesiniñ arbiy makemesi, yañı deliller olmağanına baqmadan, Abdulmecit Seitumerov ve beşinci Bağçasaray gruppasınıñ başqa mabüsleriniñ apis müddetini daa eki ayğa uzattı.
2025 senesi orta küz ayında rusiye mahkemesi, SİZOda gigyenasızlıq ve hastaqlılarınıñ kirgenleşkeni aqqında delillerge baqmadan, bu gruppanıñ altı qırımtatar mabüsiniñ apis müddetini 2026 senesi kiçik aynıñ 23-üne qadar devam ettirdi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, «qanunlarğa qarşı faaliyet»te ve böyle degen «cian hilâfeti»ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
