Rusiyede Serğiy Kozlov ve Yevheniya Samoylovğa 28 ve 22 yıllıq apis cezasını bermek isteyler, olarnı V ve Z timsalleri ile maşnanı ateşke berüvde, em de Qırımda demiryollarnı patlatmaq azırlığında qabaatlaylar.
Rusiye prokurolığı bu ceza istedi, dep haber etti TASS.
«Kozlov içün prokuror 28 yıllıq apis cezasını istedi, birinci yedi yılını apishanede keçirecek, Samoylova içün — umumiy rejim müstemlekede 22 yıl, 500 biñ rublelik para cezasını ve eki yıllıq azatlıq sıñırlavı cezasını», — dep qayd etildi haberde.
İşğalciler Qırımlı çiftni — 25 yaşındaki Serğiy Kozlov ve 26 yaşındaki Yevheniya Samoylovanı — «Z ve V timsalleri ile maşnanı ateşke berüv»de, em de «Qırımda demiryollarını patlatmağa azırlanuv ve Sevastopolda Rusiye Silâlı quvetleriniñ askerini öldürüv»de qabaatlaylar. İşğalcilerniñ malümatına köre, eşler Ukrayina Mudafaa nazirliginiñ Baş istihbarat idaresi içün çalışqan edi.
«İşğalli Sevastopol prokurorlığınıñ malümatına köre, 2023 senesi ilk küz ayında Keriç sakini Serğiy Kozlov ukrayin istihbaratınen bağ qurdı ve ömür arqadaşı Yevheniya Samoylovanı işbirlikke celp etti. "Kurator"nıñ vazifesine köre, o, Molotov kokteyllerini ve öz başına yapılğan patlayıcı aletlerni yapmağa ögrengen edi. 2023 senesi orta küz ayında Kozlov Keriçte Z ve V timsallerinen maşnalarnı ateşke berdi, tahqiqat versiyasına köre, 860 biñ rublelik (qararnen 345 biñ ğrıvnâlıq) zarar ketirdi», — dep yaza TASS.
İşğalli uquq qoruyıcılarnıñ aytqanlarına köre, soñra «kurator» Kozlov ve Samoylovağa Qırımdaki demiryollarnı patlatmağa ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye arbiy hızmetçini öldürmege emir etti. Lâkin, Rusiye tahqiqatınıñ versiyasına köre, bu planlarnı ömürge keçirmediler — 2024 senesi çeçek ayında ekisi Sevastopolda (Aqyarda), saqlanğan yerinden eki patlayıcı aletni yapmaq içün elementlerni almağa tırışqanda yaqalandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
