Bu gece Qırımda işğalciler ava telükesi aqqında ilân etip, ukrayin dronlarınıñ tüşürilgeni aqqında haber ettiler. Patlavlar Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki «Ğvardiyske» ava limanında yüz berdi. Bu saba uydu resimlerinde cenübiy-şarqiy qısmında sıcaq işaretleri qayd etildi.
Orta küz ayınıñ 12-nde saba Rusiye Mudafaa nazirligi Telegramda işğal etilgen Qırım ve Rusiye Federatsiyasınıñ diger bölge üzerinde 151 dronnıñ «yoq etilmesi» aqqında haber etti.
«Keçken gece, orta küz ayınıñ 11-nde saat 20:00-dan orta küz ayınıñ 12-nde saat 8:00-ğace, AMSava mudafaası sisteması nevbetteki quvetleri Belgorod, Brânsk, Kaluga, Kursk, Rostov, Smolensk, Tver, Tula, Yaroslav vilâyetleri, Moskva vilâyeti, Qırım Cumhuriyeti ve Qara deñizniñ üzerinde 151 ukrayin uçucısız uçaq aletlerini toqtatıp yoq ettiler», — dep qayd etildi haberde.
«Qırım yeli» nezaret resursı «Ğvardiyske» ava limanında yüz bergen yanğın aqqında haber ete.
«Sıcaqlıq işaretleri uçuş-eniş yolağınıñ cenübiy-şarqiy qısmında körüne. Bu gece abunecilerimiz ava limanında patlavlar ve ışıqlar olğanını bildirdiler. "Ğvardiyske" ava limanından Rusiye Ukrayina şeerleri üzerinde UUAlerini uçura», — dep qayd etildi haberde.
Resurs menbalarınıñ malümatına köre, o gece patlavlar ava limanı ve işğal etilgen Yevpatoriya civarında gece yarısından soñ yüz berdi.
Ukrayina tarafı orta küz ayınıñ 12-nde gece işğal etilgen Qırımğa yapılğan ücümni izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
