İşğalli Qırım Yuqarı mahkemesi, «devlet hainligi» qabaatlavını «terakt azırlavı» qabaatlavına deñiştirmek içün Malâr qardaşlarınıñ davasını FSBge qaytardı. Olar Valentın Malâr ve Tetâna Begey (Malâr). 56 yaşındaki Tetâna Malârnıñ saqatlığı ve ağır büyrekler hastalığı bar.
Orta küz ayınıñ 6-nda «Tribunal: Qırım epizodı» uquq qorçalayıcı leyhası bu aqqında haber etti.
Rusiye quvetçileri Tetâna ve onıñ qardaşını tahminen bir buçuq yıl evelsi alıp kettiler, soñra ise «Ukrayina istihbaratınıñ emri ile gizli yerler azırlağanları»nda qabaatladılar. Qabaatlav deñiştirilgen soñ, dava Rusiyeniñ Rostov-na-Donu şeerindeki arbiy mahkemege avuştırıla bile.
Uquq qorçalayıcılar davanı uydurılğan dep sayalar, em de Rusiye quvetçilerini qorantanı esir alğanında ve işkencege oğratqanında qabaatladılar.
«Aileniñ alıp qaçıluvında, işkencege oğratılmasında ve olarğa qarşı uydurılğan cinaiy davalarda iştirak etken şahıslar tapılacaq. Davanı ğayrıdan baqmaq içün qaytarmağa qarar bergen mahkemeci Serğiy Poğrebnyak ise öz cenk cinayetleri cedveline daa bir episod qoştı», — dep qayd ettiler teşebbüs.
Lvivden olğan tutulğan qoranta aqqında ne bilemiz
2025 senesi çayır ayınıñ 22-ne keçer gecesi, işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde, tintüvlerden soñ, Lvivden olğan bir qorantanıñ dört azasını tuttılar: Tetâna Malârnı, onıñ qardaşı Valentın Malârnı, onıñ oğlu Anatoliy Rossihinni ve onıñ qızı Olğa Begeyni. Er keske «devlet hainligi»nde qabaatlav bildirildi.
Saban ayınıñ ayınıñ 29-nda Qırımtatar Milliy Meclisiniñ Reisi Refat Çubarov öz Facebook sayfasında bunı bildirdi.
«Tutulğanlarnıñ bulunğan yeri, aqrabalarından bir aftadan ziyade gizlendi, olar Simferopol (Aqmescit— terciman) şeeriniñ 2-nci SİZOda bulunğanları belli olğanına qadar. Rusiye işğalcileriniñ belli bir areketi bar: vatandaşlarnı qanunsız tutulğanınıñ ilk künlerinde, işğalciler içün kerekli olğan ifadelerni almaq içün, olarnı işkencegе ve ruhiy basqığa oğratalar», — dep qayd etti Çubarov.
Tutulğan Olğa Begeyniñ evinde 11 yaşındaki qızı Alisa ve 7 yaşındaki oğlu Ruslan qaldı.
Meclis Reisi qoştı ki, Tetâna Malâr ve onıñ qorantasınıñ yaqınları, olarnıñ işğalli akimiyet tarafından taqip etilüv sebebiniñ, olarnıñ Lvivden olğanları, qaydan yarımadağa daimiy yaşav yeri olaraq endi 2014 senesi işğalinden evel köçkenleri olğanını inkâr etmeyler.
Qırımnıñ eki sakini, teraktlar içün patlayıcı maddeler saqlağanında qabaatlanıp, arman ayınıñ 31-nde FSB tarafından yaqalandı. «Tribunal. Qırım epizodı» uquq qorçalayıcı teşebbüsi, FSBniñ Ukrayina istihbaratı içün casuslıq yapqan qardaşılarnı tutqanları aqqında haber Valentin Malâr ve Tetâna Begey aqqında (Malâr) olğanını qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
