Orta küz ayınıñ 6-nda işğal etilgen Qırımnıñ bir qaç şeeri ve rayonında kene elektrik teminatınıñ sıñırlanması kirsetildi. Sudaq ve Canköy şeerlerinde tamir işleri sebebinden elektrik energiyasını söndürmege planlaştıralar, Bağçasaray rayonında ise magistral ağlarında tehnologik bozuluvlar sebebinden qıyın vaziyet qala.
«Krımenergo» işğalli müessiseleri bunı bildirdi.
İşğalli müessiseniñ malümatına köre, orta küz ayınıñ 6-nda saat 10:00-dan saat 17:00-ge qadar Sudaq şeerinde elektrik energiyasınıñ berilmesini bütünley sıñırlamağa planlaştıralar, çünki elektrik teminatı obyektlerinde acele tamir işleri yapıla.
Canköy şeerinde ve Canköy rayonında saat 17:00-ge qadar elektrik olmaycaq. Anda magistral ağlarınıñ tamir işleri yapılacaq.
«Krımenergo» malümatına köre, Bağçasaray rayonında magistral ağlardaki tehnologik bozuluvlar sebebinden elektrik teminatı ile qıyın vaziyet qala. Qaza-tamir işleri Tavriya MEAMagistral elektrik ağları ve «Krımenergo» şirketleri tarafından yapıla.
Aynı vaqıtta Verhnösadove, Pıroğivka ve Frontove meskün yerlerinde qısmen elektrik energiyası sıñırlandı. «Sevastopolenergo»nıñ haber etkenine köre, sıñırlavlar Bağçasaray rayonınıñ ağlarında aşırı yükni yoq etmek içün kirsetildi. Elektrik energiyasını tam qaytaruv vaqtı aqqında haber etilmey.
«Voda Krıma» işğalli şirketiniñ malümatına köre, orta küz ayınıñ 6-nda ağlarda kerekli tamir işleri keçirilgeni içün suv berilmesi sıñırlana.
Aluşta şeerinde sıñırlav tedbirleri saat 13:00-ke qadar devam etecek. Canköy şeerinde «Krimenergo» ağlarındaki çalışmalar, saat 18:00-ge qadar suv teminatı sistemasınıñ basımını eksilte bilir. Keriç şeerindeayrı rayonlardaki suv teminatı da saat 13:00-kr qadar sıñırlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
