İşğal etilgen Qırımda berim ayınıñ 25-nde aqşam ve berim ayınıñ 26-nda gece patlavlar oldı ve Keriç, Aqyar, Eski Qırım ve Kefe rayonlarında Rusiye ava mudafaası çalıştı.
Rusiye Mudafaa nazirliginiñ Telegramda bildirgenine köre, umumen bir gecede AMS Rusiye, Qırım, Qara ve Azaq deñizleri üzerinde 645 uçaqnı yoq etti.
Berim ayınıñ 25-i saat 23:46-dan berim ayınnıñ 26-sı saat 04:04-ke qadar işğalcilerniñ Fevqulâde vaziyetler nazirligi Qırım içün pilotsız havf ilân etti. Anda yarımadanıñ şarqında AMS-niñ işi aqqında haber etildi. Bundan da ğayrı, Aqyar «gubernatorı» Mihail Razvojayev berim ayınıñ 25-nde aqşam üç kere ava telükesi aqqında ilân etti. O, beş uçaqnı tüşürgenini bildirdi.
Aynı vaqıtta yerli sakinler «Qırım veter» monitoring Telegram kanalına, berim ayınıñ 25-nde aqşam Aqyarda uçaqsız uçaq, patlav ve mobil ateş gruppasınıñ işini eşitkenlerini bildirdiler. Feodosiya rayonınıñ Krınnitsa ve Abrıkosivka köyleriniñ yanında da «küçlü patlav» oldı.
Bundan da ğayrı, şaatlar kanalğa Keriçte eki patlav aqqında haber ettiler, bir raketa ya da uçaq uçması da eşitildi. Daa soñ, bir qaç daqqadan soñ, Eski Qırım poligonında eki patlav oldı.
Daa evel Robert Brovdi haber etkenine köre, oraq ayınıñ 6-ndan itibaren devam etken «Qırım kesicisi» operatsiyası neticesinde boyevikler Qırım ve Rusiyede 412 energiya noqtasına ücüm etti. Tek berşm ayınıñ ekinci onuncısında 38 obyekt zarar kördi, olardan on — Qırımda.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
