İlk küz ayınıñ 25-nde gece işğal etilgen Qırımda Rusiye ava mudafaası sisteması çalıştı ve eki kere dron telükesi ilân etildi.
Rusiye Mudafaa nazirliginiñ Telegramda bildirgenine köre, umumen bir gecede AMS Rusiye, Qırım ve Qara deñiz üzerinde 592 insansız uçaq aletini urdı.
Bundan da ğayrı, ilk küz ayınıñ 24-nde saat 22:22-den ilk küz ayınıñ 25-de saat 02:01-ge qadar işğalli FVNFevqulâde vaziyetler nazirligi Qırım boyunca dron telükesini ilân etti. Saat 03:07-de tekrarlandı ve saat 06:31-ge qadar devam etti.
Aynı vaqıtta yerli sakinler «Qırım yeli» Telegram kanalına, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında patlav eşitilgenini bildirdiler. Şaatlarnıñ aytqanlarına köre, ilk küz ayınıñ 24-nde Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) şimalinde saat 22:00-de «küçlü patlav» oldı.
Bundan evel USQniñ İSQniñ komandanı Robert «Madâr» Brovdi bildirdi ki, oraq ayınıñ 6-ndan itibaren devam etken «Qırım rubilniki off» operatsiyası neticesinde askerler Qırım ve Rusiyede 412 energiya noqtasına ücüm ettiler. Tek ilk küz ayınıñ ekinci on künü devamında 38 obyekt zarar kördi, olardan onu — Qırımda.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
