İlk küz ayınıñ 22-nci gecesi işğal etilgen Qırım üzerinde Rusiye ava mudafaası dronlarğa ateş aça edi. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) da ava telükesi ilâñ etilgen edi.
Rusiye Mudafaa nazirliginiñ Telegramda bildirgenine köre, umumen bu gece Rusiye AMSava mudafaası sisteması Rusiye ve Qırım üzerinde 297 dronnı urdı.
Bundan da ğayrı, işğalli Sevastopol (Aqyar) gubernatorı Mihail Razvojayev gece içinde eki kere ava telükesini ilân etti: ilk küz ayınıñ 21 künü saat 22:58 — 23:20 arasında ve ilk küz ayınıñ 22 künü saat 02:02 — 03:14 arasında.
Aynı vaqıtta yerli sakinler ilk küz ayınıñ 21-nde saat 21:48-de Sevastopolnıñ (Aqyarnıñ) Fiolent burnu rayonında patlavlar eşitkenlerini «Qırım yeli» monitoring Telegram kanalına bildirdiler.
Hatırlatamız ki, ilk küz ayınıñ 18-nde Ukrayina Silâlı quvetleriniñ Baş ştabı bildirdi ki, işğal etilgen Qırımda «Saq» ava limanında «Orion» Rusiye dronlarını idare etüv stantsiyası ücüm etildi.
Bundan ğayrı, ilk küz ayınıñ 15-nde ve 16-ncı gecesi Ukrayina Mudafaa quvetleri işğal etilgen Qırımda «Saq» ava limanında Rusiye Su-24 uçağına ücüm etti. Yarımadada «Grenader» tehnikiy istihbarat vastalarınıñ noqtaları da uruldı, dep tasdıqladı USQniñ Baş ştabı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
