Ukrayina mudafaa quvetleri işğal etilgen Qırımnıñ «Saq» ava limanında Su-24 rusiye uçağını urdı. Yarımadada «Grenader» tehnikiy istihbarat vastalarınıñ noqtaları da ücüm etildi.
Ukrayina Silâlı Quvetlerniñ Baş ştabı bu aqqında haber etti.
Ücümler ilk küz ayınıñ 15-nde ve ilk küz ayınıñ 16-nda gece etildi.
Baş ştabnıñ malümatına köre, «Saq» ava limanında Su-24 uçağı uruldı. Şimdilik zarar miqdarı ögrenile.
Bundan da ğayrı, vaqtınca işğal etilgen Qırımnıñ Suvorove ve Rısove meskün yerlerinde mudafaa quvetleri «Grenader» tehnikiy istihbarat vastalarınıñ noqtalarına ücüm etti.
Bundan ğayrı, ukrayin arbiy hızmetçileri işğal etilgen diger topraqlarda Rusiye ordusınıñ bir qaç obyektine ücüm ettiler. Donetsk rayonında ücüm UUAuçucısız uçaq aletilerini saqlav, azırlav ve uçuruv yeri uruldı.
Donetsk vilâyetiniñ Staromlınivka ve Pokrovsk meskün yerlerinde, em de Zaporijjâ vilâyetiniñ Pokrovske meskün yerinde dronlarnı idare etüv noqtaları ücüm etildi.
Luğansk vilâyetiniñ Dovjansk şeerinde mudafaa quvetleri silâ anbarına, Luğansk vilâyetiniñ Rovenki ve Zaporijjâ vilâyetiniñ Berdânsk şeerinde ise Rusiye ordusınıñ yaqıt-yağ malzemeleri saqlav bazalarına ücüm ettiler.
Hatırlatamız ki, ilk küz ayınıñ 16-na keçer gecesi işğal etilgen Qırımda patlavlar oldı. Hususan, Ğvardiyske ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde. Rusiye Mudafaa nazirligi bildirdi ki, Qırım ve diger işğal etilgen topraqlar ve Rusiyeniñ bölgeleri üzerinde 71 dron uruldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
