İşğal etilgen Qırım Rusiye Federatsiyası Devlet Dumasına sahte saylavlarda 22 namzet kösterdi. Olarnıñ arasında Rusiye ordusınıñ işğalli memurları, siyasetçileri ve arbiy hızmetçileri bar. Rusiye parlamentine kirmek içün eñ büyük şansları olğanlar aqqında daa soñra söz yürsetecekmiz.
Yanina Pavlenko — Yaltanıñ şimdiki işğalli şeer yolbaşçısı. Çernivtsi vilâyetiniñ Vıjnıtsi şeerinden olğan memur, amma Qırım işğal etilgen soñ ruslarğa hızmetke ketti — ruslar tarafından hırsızlanğan «Masandra» ukrayin devlet şirketine yolbaşçılıq etti.
2015 senesi ise Putinni Berluskoniitalyan Rusiye tarafdarı siyasetçi, İtaliyanıñ sabıq baş nazirinen kördi. O vaqıt Pavlenko musafirleri içün 1775 senesi toplanılğan heresşarap, içecek sınıfına kirgen beyaz pekitilgen tatlı şarap. şişesini açtı. Bulardan yalıñız beşi qaldı ve er biri 100 biñ dollarğa paalılaştı.
Ukrayina uquq qorçayıcıları Pavlenkonı milliy degerliklerni yağmalağanında qabaatlap, soñra oña cenk qanunları ve adetlerini bozğanında şübeUkrayina CQniñ 438-nci maddesiniñ 1-nci qısmı bildirdiler.
«2015 senesi ilk küz ayında Rusiye Federatsiyasınıñ prezidenti ve İtaliyanıñ sabıq baş naziri "Masandra"nı ziyaret etkende, şübelengen adam kollektsiyadan öz başına çıqardı ve 1775 senesiniñ eñ qıymetli şişelerinden biri olğan "Heres-de-la-Frontera"nı açtı. Bir şarap şişesiniñ fiyatı 100 biñ AQŞ dollarından ziyadedir, Ukrayina qanunlarına köre, o, devlet içün müim tarihiy, ilmiy ve milliy qıymetke saip olğan milliy mülktir», — dep añlattı prokurorlıq.
Bundan da ğayrı, oña qarşı devlet hainligi içün cinaiy dava açıldı. Keçken sene Pavlenko Ukrayina sanktsiyalarına oğradı.
Leonid Babaşov — işğal etilgen Qırımnıñ Rusiye mebusı, ekinci kere saylavlarda iştirak ete. Yarımadada yol tamir işleri alıp bara. Açıq menbalarda onıñ Rusiye ordusına yardım etkeni aqqında onlarca malümat bar. Hususan, işğalcilerge pick up maşnalarınıñ berilmesi aqqında söz yürsetile.
Babaşovnı Qırım yollarınıñ qurucılığı vaqtında para hırsızlanmasınen bağlı skandallarnen de bağlaylar.
Ukrayinada o, devletniñ topraq bütünligi ve suverenitetine qast etüvde şübelene. 2023 senesi saban ayında Yuqarı qabarcılıqqa qarşı mahkeme Babaşovnıñ evleri, topraq damartıları, mesken olmağan binaları ve şirketlerdeki paylarını tevqif etti. Bundan ğayrı, oña qarşı Avropa Birligi ve AQŞdan başlap Yaponiya, Avstraliya ve Yañı Zelandiyağa qadar 27 memleket sanktsiyalar kirsetti.
Anton Starostin — Ukrayinağa qarşı cenkleşken edi, şimdi ise onı «Yedinaya RossiyaVladimir Putin rejiminiñ esas siyasiy destekçisi olğan Rusiye Federatsiyasınıñ ükümran siyasiy firqası» firqasınıñ cedveline köre Rusiye Devlet Dumasına namzet olaraq köstereler.
Starostin işğal etilgen Qırımda yerleşken Rusiye Qara deñiz flotunıñ yalı mudafaasınıñ 126-ncı brigadasında cenkleşken edi. ŞoyğuRusiye Federatsiyasınıñ sabıq mudafaa naziri onı «Rusiye qaramanı» unvanınen taqdirledi.
Pavlenko, Babaşov ve Starostinağa reqabet yaratmaq kerek olğan diger namzetler arasında — 150 kg ağırlıq kategoriyasında «Rus ştanğa köterüvibir miqdarda belli bir ağırlıqta ştanğa köterüvi» yarışınıñ rekordçısı Oleksandr Buyanov ve sabıq avtomobil parçaları satıcısı Dmıtro Vasılıhın.
Hatırlatamız ki, Ukrauina tış istihbarat hızmeti (UTİH) Qırım ve diger işğal etilgen topraqlarnıñ sakinlerini ilk küz ayınıñ 17-21 künleri Rusiye Federatsiyasınıñ tarikleri telükesi sebebinden toplaşuv yerlerinden qaçınmağa çağıra. Hızmet, Rusiye mahsus hızmetleri RF Devlet Dumasına qanunsız saylavlar vaqtında «Ukrayina bayrağı» altında yapa bilecek terroristik areketlerniñ yüksek ihtimalı aqqında tenbiyeley.
9 cemaat teşkilâtı, hayriye fondları ve uquq qorçalayıcı leyhalar işğal etilgen topraqlarnıñ sakinlerine muracaat etip, olarnıñ işğalde sözde saylavlarda iştirak etmemelerini rica ettiler.
Qırım uquq qorçalayıcı gruppasınıñ milliy advokatlıq idaresiniñ idarecisi Oleksiy Tilnenko Suspilne Qırımğa tefsirinde, işğalcilerniñ saylav esnaslarına qoşulması Ukrayina qanunlarına köre duşmannen işbirlik faaliyetiniñ alâmetlerine saip olğanını, ukrayin mahkemesinde zorbalıqnı isbatlamaq ise şimdi pek qıyın olğanını ayttı.
«Mahkeme qararlarınıñ tecribesi köstere ki, zorbalıq şaraitini er vaqıt isbatlap olamaylar, bu sebepten, imkân bar ise, ve sağlıq ve ayat içün telüke olmasa, olardan qaçınmaq daa yahşıdır. İşğal etilgen topraqlarda Rusiye akimiyeti taqlit etken areketlerde iştirak etmemek daa yahşıdır. Em de şunı aytmaq isteymiz ki, biz añlaymız ve işğalniñ bütün mesuliyetini anda yaşağan insanlarnıñ üstüne yüklemek istemeymiz. İnsanlarnıñ anda daimiy basqı altında bulunğanını ve anda Ukrayinada olğan serbest saylavğa saip olmağanını añlaymız», — dey uquq qorçalayıcı.
Ukrayina böyle «saylavlar»nı qanuniy olaraq tanımay. Ukrayina Merkeziy saylav eyyeti qayd ete ki, vaqtınca işğal etilgen Ukrayina topraqlarında Rusiye tarafından teşkil etilgen er angi «saylav esnasları» qanunsızdır, olarnıñ neticeleri ise uquqiy küçke saip degildir.
Ukrayina Tış işler nazirligi qayd ete ki, vaqtınca işğal etilgen topraqlarda Rusiye saylavlarınıñ keçirilmesi saylav esnasını Rusiye işğali ve Ukrayina topraqlarınıñ ilhaqı ıntıluvlarını qanuniyleştirmek içün qullanmaq ıntıluvıdır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
