İşğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) sakini Nadiya Ğrekova, Rusiye arbiy mahkemesi tarafından 22 yılğa mahküm etilgen soñ, Burât Ulusınıñ Ulan-Ude şeerindeki 7-nci tüzetüv müstemlekesine etap etildi. Şimdi o, sert şaraitlerde tutula.
Qırım uquq qorçalayıcı gruppası bunı bildirdi.
Uquq qorçalayıcılarnıñ malümatına köre, Ğrekova qapalı odalarda buluna ve müstemleke toprağında sıñırlı areket ete bile. Künde oña bir kere yürmege, eki ayda bir kere telefon açmağa izin berile.
Qırım uquq qorçalayıcı gruppası qayd etti ki, müstemleke ve onıñ tuvğan Sevastopol (Aqyar) arasındaki mesafe — tahminen 7 biñ kilometr — sebebinden qadınnı kimse ziyaret etmey.
2025 senesi oraq ayınıñ 31-nde Rostov-na-Donu şeerindeki Cenübiy bölge arbiy mahkemesi 39 yaşındaki Nadiya Ğrekovanı 22 yılğa mahküm etti. O, Rusiye cinaiy qanunlarınıñ «terakt teşkil etüv», «patlav azırlavı», devlet hainligi ve «terror faaliyetini kerçekleştirmek maqsadınen oquvda iştirak etüv» maddelerine istinaden qabaatlandı.
Rusiye quvetçileriniñ malümatına köre, Ğrekova «Rusiye Federatsiyası Qara deñiz flotunıñ askerine qarşı Sevastopolda patlav azırlanmasında iştirak etti».
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
