İşğal etilgen Yalta qoruğında orman yanıp başladı

Yalta dağ-orman qoruğında kene yanğın çıqtı. Yanğın 1,5 gektarnı qaplap aldı. İşğalcilerniñ aytqanlarına köre, bu yañı bir yanğın. Evelki vaqtında — AutkaQırımdaki Yalta şeeriniñ mikrorayonı, dağ ögünde yerleşe. ve DarsanYaltada 140 metr yükseklikte yerleşken ve Dere köy ve Uçan Suv özenleriniñ vadiysini ayırğan tepe ve belli yükseklik rayonlarında 17 kün devamında orman yana edi.

ForPost işğalli mediası bu aqqında haber etti.

«Soñki kün içinde yanğıncılar Yalta qoruğında daa dört yanğınnı söndürdiler. Alupka ormanında eki yanğın söndürildi — 0,05 ve 0,07 gektarkıq. Opolznıvskede — daa eki: 0,4 ve 0,015 gektarlıq», — dep qayd etildi haberde.

«Qırım Cumhuriyeti ekologiya ve tabiat resursları nazirligi»niñ malümatına köre, yanğın ile küreşte 40 adam ve 11 tehnika iştirak ete.

İlk küz ayınıñ 8-nde aqşam işğalli Yalta «tek nevbet-dispetçer hızmeti» saat 20:49 — 22:21 arasında Yalta yönelişinde uçaqsız uçaq aletleriniñ ücüm etkeni aqqında haber etti. Bugün, ilk küz ayınıñ 9-nda, Yalta civarında, aqşamğa qadar Rusiye ordusınıñ arbiy oquvları devam ete.

Hatırlatamız ki, evelki işğal etilgen Yaltada dağlıq yerdeki orman yanğını arman ayınıñ 19-nda sabadan berli yana edi. Başta işğalli qurtarıcılar bildirgen ediler ki, yanğın alanı 3 gektarğa yete ve onı söndürmek içün 400 insan ve 100 tehnika celp etildi. Bugün, arman ayınıñ 20-nda, belli oldı ki, yanğın alanı ciddiy olaraq arttı — 10 gektarğa qadar. Qırımda yanğınçılarğa yardım etecek göñüllilerni qıdıralar.

Arman ayınıñ 21-nde, işğalcilerniñ aytqanlarına köre, yanğın 50 gektarlıq topraqqa küçlü yel neticesinde tarqalğan edi. Yanğın sebepleri aqqında bir şey aytılmay. Arman ayınıñ 19-nda RİA «Novosti Krım» neşiri yanğınnıñ qıyın yerden çıqqanını, yanğıncılar dağlıq yerlerden yürgenini ve maşnalarnıñ kelmegenini qayd etti. Arman ayınıñ 20-nde ruslar ava quvetlerini qullandılar, arman ayınıñ 23-nde ise işğalciler, 4WD ve dağ motosikletleri olğan göñüllilerni qıdıra ediler.

«Qırım yeli» Telegram kanalı bildirdi ki, yanğın arman ayınıñ 19-nda Yaltadaki ast stantsiyasına ücüm vaqtında Rusiye ava mudafaasınıñ işi neticesinde çıqtı.

Читати ще