Qırım ve diger işğal etilgen topraqlarda ukrayin arbiy hızmetçileri Rusiye ordusınıñ bir qaç arbiy obyektine ücüm ettiler. Olarnıñ arasında — BK-16 desant kateri ve «Krasuha-4» mobil radioelektron küreş kompleksi.
Ukrayina Silâlı Quvetlerniñ Baş ştabı bu aqqında haber etti.
Baş ştabnıñ malümatına köre, ilk küz ayınıñ 2-nde ve ilk küz ayınıñ 3-ne keçer gecesi Ukrayina Mudafaa quvetleriniñ bölükleri Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) BK-16 desant katerini urdı. Zarar seviyesi daa ögrenile.
Vaqtınca işğal etilgen Sevastopol (Aqyar( rayonında «Krasuha-4» mobil radioelektron küreş stantsiyası ücüm etildi.
Bundan da ğayrı, işğal etilgen Qırımnıñ Maryine rayonında ukrayin arbiy hızmetçileri Rusiye ordusınıñ uçucısız uçaq aletlerini idare etici noqtasına ücüm ettiler.
Baş ştab malümatına köre, Donetsk vilâyetiniñ Jelanne meskün yerinde Rusiye bölüginiñ UUA anbarı, İlovaysk rayonında ise silâ anbarı urulğan edi.
Hatırlatamız ki, ilk küz ayınıñ 2-nci aqşamı ve ilk küz ayınıñ 3-ne keçer gecesi işğal etilgen Qırımda patlavlar eşitildi. Şu cümleden, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında. İşğalli Sevastopol (Aqyar) gubernatorı Mihail Razvojayev, ilk küz ayınıñ 2-nci aqşamı üç dronnıñ yoq etilgeni aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
