İlk küz ayınıñ 2-nci aqşamı ve ilk küz ayınıñ 3-ne keçer gecesi işğal etilgen Qırımda patlavlar eşitildi. Şu cümleden, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında.
İşğalli Sevastopol (Aqyar) gubernatorı Mihail Razvojayev, ilk küz ayınıñ 2-nci aqşamı üç dronnıñ yoq etilgeni aqqında bildirdi.
«Bizim arbiy hızmetçilerimiz, AMSAva mudafaası sisteması quvetleri ve mobil ateş gruppaları, USQUkrayina Silâlı quvetleriniñ ücümini toqtattılar ve üç duşman dronını yoq ettiler», — dep qayd etildi haberde.
Sevastopoldaki patlavlar aqqında arbiy-partizan «Ateş» areketi de bildirdi.
«Şeerde ve etrafında insansız katerler sebebinden telüke ilân etildi, aynı zamanda dron telükesi aqqında da bildireler. Körüne ki, işğalcilerde bugün tolu bir komplekt bar — em deñizden, em de avadan», — dep qayd etildi saat 23:41-de çıqqan haberde.
«Qırım yeli» kanalınıñ malümatına köre, saat 23:50 ve 23:52-de şeerde patlavlar eşitildi.
Saat 23:56-da kanalnıñ abunecileri Simferopol (Aqmescit) rayonında bir patlav aqqında bildirdiler.
Saat 23:58-de Sevastopolda (Aqyarda) tekrar patlavlar eşitildi.
«Saat 23:58-de Sevastopoldaki Peremoğa parkı rayonında eki patlav ve daa biri, ihtimalnen, deñiz üzerinde, uzaqta bir yerde eşitildi, dep bildireler abuneciler», — dep qayd etildi haberde.
Saat 08:00-ge köre, ne işğalli Qırım akimiyeti, ne ukrayin akimiyeti, ne de USQ vekilleri bu malümatnı tasdıqladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
