İşğalciler Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) Mudafaa nazirliginiñ hastahanesinde terakt azırlağanında qabaatlap, adamnı tuttılar.
İşğalli FSBge atfı etip, RİA «Novosti Krım» bunı bildirdi.
Rusiye mahsus hızmetiniñ bildirgenine köre, tutulğan adamğa Simferopoldaki (Aqmescitteki) Mudafaa nazirliginiñ hastahanesinde terakt yapmaq vazifesi berildi.
FSBniñ bildirgenine köre, adamnıñ evi tintilgende evinde öz başına yapılğan ateş yaqıcı alei ve qol granatası tapıldı.
Rusiye mahsus hızmeti tevqifniñ diger tafsilâtlarını bildirmedi.
Hatırlatamız ki, 2026 senesiniñ birinci yarısında Rusiye mahkemelerinde casuslıq ve devlet hainliginen bağlı 284 cinaiy dava baqıldı.
Er on üçünci davası işğal etilgen Qırımda açılğan edi. «Tribunal. Qırım epizodı» bu aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
