2026 senesiniñ birinci yarısı devamında Rusiye mahkemelerinde casuslıq ve devlet hainligi qabaatlavları boyunca 284 cinaiy dava baqıldı. Er on üçünci davası ise işğal etilgen Qırımda açıldı.
«Tribunal. Qırım epizodı» bu aqqında malümat berdi.
«Aynı zamana mahkemeciler o qadar arsızlaştılar ki, ciddiy derecede mürekkep bir davanı baqmaq içün sadece bir buçuq saat ayırmaqtan utanmaylar. Bir aldа davanı atta eki daqqada baqtılar. Mütehassıslar, taqiplerniñ fedalarınıñ normal bir mahkemege ne qadar ümüt bağlaya bileceklerini talil ettiler ve şu netice çıqardılar: olarnıñ amelen iç bir imkânı yoq — olarnı, FSBniñ er türlü aveslerini yerine ketirici olaraq belli olğan insanlar, qapalı rejimde, delillerni taqdim etmek imkânı olmadan, ve ükümniñ neşirini idare etken quvetçiler tarafından nezaret etilgen malümat kün mevzusı şaraitinde, mahkeme eteler», — dep qayd etildi haberde.
«Tribunal» hatırlata ki, tolu miqyaslı istilâ başlağandan berli, Rusiye quvetçileri, ukrayin mahsus hızmetlerinen alâqada olğanında şübelenip, anomal derecede çoq yerli sakinni tutmağa başladılar.
2026 senesi yaz mevsiminde böyle tutulmalarnıñ eñ az 22 qurbanı qayd etildi. Böyle qabaatlavlardan evel çoqusı allarda insanlar zorbalıqnen ğayıp ola, mahkeme ceryanları ise qapalı rejimde keçirile.
Hatırlatamız ki, işğalciler Qırım sakinini «devlet hainligi» içün sert rejimli müstemlekede 18 senege mahküm ettiler. Azat etilecek soñ, o daa 1 sene 10 ay serbestliginiñ sıñırlanması olacaq.
İlk küz ayınıñ 1-nde RİA «Novosti Krım», işğalli Qırımdaki FSBge atıf etip, bu aqqında malümat berdi.
Bundan ğayrı, «Tribunal. Qırım epizodı»nıñ ögrengenine köre, FSBniñ Ukrayina istihbaratı faydasına casuslıq qabaatlamasınen qardaşlarnıñ tutulğanı aqqında haberi, Valentın Malâr ve Tetâna Begeyge (Malâr) ait.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
