İlk küz ayınıñ 18-nde Kyivde «Ukrayina şarabı — dünya medeniy mirasınıñ bir parçası. Trıpillâdan bugünge qadar» halqara forumı keçirilecek.
Ukrayina Prezidentiniñ Qırımdaki Temsilciligi bunı bildirdi.
Forumnıñ teşkilâtçıları: Ukrvinprom (Ukrayina bağçılığı ve şarap sanayısı boyunca «Ukrvinprom» korporatsiyası), Medeniyet ve sanat idarecileriniñ milliy akademiyası ve GDIP Media Center (Çetel temsilciliklerine hızmet etüv boyunca Baş müdirligi).
«Forum devlet akimiyet organları, diplomatik korpus, halqara teşkilâtlar, biznes, ilmiy ve medeniy toplulıqlar, şarap saası ve mütehassıslarnıñ vekillerini birleştirecek», — dep qayd etildi haberde.
Programmada — tematik munaqaşalar, «Ukrayina ikonası — Spas Yüzüm pıtağı» sergisi, şarap degustatsiyası ve şarap elçilerini mukâfatlandıruv merasimi.
«Daimiy Temsilci Olğa Kurışko Qırımnıñ şarap mirasınıñ saqlanuvı ve vaqtınca işğal şaraitlerinde qoruvı aqqında "Şarap mirasınıñ qoruvı ve saqlanuvı" adlı munaqaşağa qoşulacaq», — dep yazdı müessise.
Forum ne vaqıt ve qayda olacaq
- 2026 senesiniñ ilk küz ayınıñ 18 künü
- 14:00–19:00
- Kıyiv
Hatırlatamız ki, arman ayında Ukrayina Tış işler nazirligi halqara bildirdi ki, sergilerde ve yarışlarda vaqtınca işğal etilgen Qırımdan şarap ve diger mahsulatnıñ Rusiye mahsulatı olaraq tanıtılmasına qarşılıqnı quvetleştirecek.
Suspilne Qırım idaresiniñ matbuat hızmeti bunı bildirdi. Tış işler nazirligi Ermenistanda keçirilgen Concours Mondial de Bruxelles halqara yarışında Qırım şaraplarınıñ iştirakine böyle cevap berdi. Anda o, Rusiye mahsulatı olaraq taqdim etildi ve 18 mukâfat aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
