İşğalciler Qırım energetika sistemasınıñ küç qıtlığı şaraitinde işlegenini, yarımadada sıñırlamalarnıñ devam etkenini bildirdiler.
RİA «Novosti Krım», işğalli «Krımenergo»ğa atıf etip, bu aqqında yazdı.
«Elektrik ağı ve tehnikası zarar körgeni sebebinden, bazı energetika rayonlarında elektrik teminatında bozuvlar ola. İctimaiy obyektler yedek olğan elektrik teminatı sistemalarında işley», — dep qayd etildi haberde.
Bundan ğayrı, yarımadada benzinnen bağlı meseleler qayd etile. İşğalli akimiyetniñ vaziyetniñ yahşılaşacağı aqqında bildirmelerine baqmadan, benzin stantsiyalarından yağıt yoq oldı, dep yazdı Radio Svobodanıñ «Qırım.Aqiqat» leyhası, öz Qırımdaki muhbirine atıf etip.
«Arman ayınıñ 31-nde öz haber resurslarında, Qırımnıñ Rusiye reisi Sergey Aksönov, Qırım sakinlerini benzinnen temin etüv vaziyetiniñ daa yahşılaşacağını söz berdi. Hususan, o, TES ve ATAN şirketleriniñ benzin stantsiyalarında A-95 benzininiñ fiyatınıñ 100 rubleden az olacağını inandırdı. Neticesinde, ilk küz ayınıñ 1-nde benzin, sadece yañı fiyatta peyda olmadı, umumen Qırım benzin stantsiyalarından yoq oldı, dep malümat berdi Qırım.Aqiqat muhbiri», — dep qayd etildi haberde.
Muhbirniñ malümatına köre, Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) benzin stantsiyalarında sadece dizel yaqıtını tapmaq mümkün, benzin ise umumen yoq.
Hatırlatamız ki, arman ayı devamında İnsansız Sistemalar quvetleri, «MoLoÇKa» operatsiyası çerçivesinde, RF kölge flotınıñ 54 gemisini yoq etti.
Umumen, oraq ayınıñ 6-ndan berli 260 yaldayıcı vastağa zarar ketirildi. «Qırım rubilniki off» operatsiyası çerçivesinde ise arman ayında 168 energiya qavuşağına zarar ketirildi. Oraq ayından berli — 349ğa. İnsansız Sistemalar quvetleriniñ komandanı Robert «Madâr» Brovdi bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
