Arman ayınıñ 29-30 künü Ukrayina Mudafaa Quvetleri Ukrayinanıñ vaqtınca işğal etilgen topraqlarında bir sıra arbiy nişanlarğa ücüm ettiler. Hususan, Qırımnıñ Kefe rayonınıñ Krasnosilskiy şeerindeki rusiyeniñ arbiy logistika deposına ücüm etildi.
«Fecebook»ta Ukrayina Silâlı Quvetleriniñ Baş ştabı bu aqqında haber etti.
«Donetsk vilâyetiniñ Berdânsk ve Girnikteki, em de Krasnosilskiyde logistika depoları uruldı... Duşmannıñ esas arbiy nişanları üzerinde iş devam ete», — dep haberde qayd etile.
Bu qasabadan uzaq degil Qırımnıñ şarqiy qısmında Kirovske arbiy aerodromı yerleşken. Bu obyekt bir qaç kereler Ukrayina Mudafaa Quvetleri ve Ukrayina Mudafaa Nazirliginiñ Bİİ-nı içün nişanğa çevirildi. Hususan, anda Rusiyeniñ «Orion» razvedka ve ücüm UUAlarını, An-72P samolötlarını, işğalcilerniñ radar stantsiyalarını muvafaqiyetli yoq etmek qayd etildi.
Hatırlatamız, işğal etilgen Qırımda arman ayı 30 gecesi patlavlar eşitildi.Rusiyeniñ Mudafaa nazirligi yarımada üstünde dronlarnıñ zararsızlandırılğanını ilân etti.
Bundan evel Ukrayina Silâlı Quvetleriniñ Baş Ştabı haber etti ki, arman ayı 28-29 künü Ukrayina Mudafaa Quvetleri Gvardiyske şeerindeki Rusiye arbiy ücüm dronlarını saqlağan, ögretken ve çıqarğan yerni ve işğal etilgen Qırımda Znamenka rayonındaki elektron cenk kompleksini ücüm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
