UMQ işğal etilgen Qırımda «Nebo-SV» RLS, «P-18» apparatlı RLS ve Olenivkadaki mobil bağ vastaları kompleksi, Frunze rayonındaki «Nikolayevka» radioreley stantsiyası ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) talimat merkezi ücüm etildi
USQniñ Baş ştabı bu aqqında haber berdi.
«Olenivka rayonında (VİEvaqtınca işğal etilgen Qırım MC) «Nebo-SV» radiolokatsiya stantsiyası, «P-18» apparatlı RLS ve duşman bağ vastalarınıñ mobil kompleksi zarar kördi. Bundan ğayrı, vaqtınca işğal etilgen Qırımnıñ Frunze rayonında «Nikolayevka» radioreley stantsiyası zarar kördi. Bundan da ğayrı, VEİ Qırımnıñ Sevastopol (Aqyar — terciman) şeerinde, duşmannıñ azırlıq talimat merkezi zarar kördi», — dep qayd etildi haberde.
Hatırlatamız ki, arman ayınıñ 28-ne keçer gecesi işğal etilgen Qırımda patlavlar eşitildi. Evelki malümatlarğa köre, Qamış körfezindeki liman rayonı, Manganari burnundaki neft-terminalı ve «Kirovske» ava limanı yanındaki gaz stantsiyası ücüm etildi. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) beş qatlı bina zarar kördi, dört insan yaralandı, dep bildirdi şeer «gubernatorı» Mihail Razvojayev.
Evel USQniñ Baş Ştabı bildirgen edi ki, Ukrayina Mudafaa Quvetleri arman ayınıñ 26-27-sinde, işğal etilgen Qırımnıñ Olenivka meskün yerindeki UUAni idare etüv noqtasına ve Voshod meskün yerindeki Rusiye ordusınıñ toplanğan rayonına zarar ketirdi.
Bundan da ğayrı, Baş Ştabnıñ malümatına köre, arman ayınıñ 25-26 künleri USQ işğal etilgen Qırımdaki «Kasta» radiolokatsiya stantsiyasına, Rusiye arbiy hızmetçilerniñ tamir-tikleme bazasına, «Geran»/«Gerbera» türlü UUA yañıdan yayınıcısına ve madde-tehnik vastalar anbarına zarar ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
