Arman ayınıñ 25-26 künleri Ukrayina Mudafaa Quvetleri işğal etilgen Qırımda «Kasta» radiolokatsiya stantsiyasına, Rusiye arbiy hızmetçilerniñ tamir-tikleme bazasına ve «Geran»/«Gerbera» türlü UUAuçucısız uçaq aletileriniñ yañıdan yayınıcısına zarar ketirdi.
USQniñ Baş Ştabı Facebookta bunı bildirdi.
Böylece, Qaçıda «Kasta» RLS ücüm etildi, tamir-tikleme bazası — Pervomayskede, dronlarnıñ yañıdan yayınıcısı ise — Çornomorskede.
İşğal etilgen Qırımda arman ayınıñ 26-na keçer gecesi patlavlar eşitildi. RF Mudafaa nazirligi yarımada üzerinde dronlarnıñ yoq etilgenini bildirdi.
Evel USQniñ Baş Ştabı bildirgen edi ki, arman ayınıñ 25-ne keçer gecesi Ukrayina Mudafaa Quvetleri, işğal etilgen Qırımdaki Mırne köyünde Starlink uydu alâqasınıñ radioelektron bastırıcı stantsiyasına zarar ketirdi.
Hatırlatamız ki, arman ayınıñ 24-nde, işğal etilgen Olenivkada, Ukrayina SQniñ İnsanasız Sistemalar quvetleriniñ 413-nci ayrı «Reyd» bölüginiñ operatorları «Zala» dronınıñ taqımınıñ sığınağına zarar ketirdiler. Bundan ğayrı, İSQ, işğal etilgen Qırımnıñ Rozdolne meskün yerinde ST-68 radiolokatsiya stantsiyası kompleksine zarar ketirdiler. Aynı zamanda, Rusiye kölge flotınıñ Qara deñizdeki tanker ve balkerine ücüm etildi.
Bundan evel Ukrayina Silâlı Quvetleriniñ İnsansız Sistemalar quvetleriniñ komandanı Robert «Madâr» Brovdi bildirgen edi ki, arman ayınıñ 23-nde üç radiolokatsiya stantsiyasına — Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda), Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Uyutne köyünde (Kezlev rayonı) — zarar ketirildi. Em de, onıñ malümatına köre, arman ayında ukrayin dronları Rusiye kölge flotınıñ 36 yaldağan vastasına zarar ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
