Arman ayınıñ 25-ne alına köre, işğal etilgen Qırım toprağında yerli sakinlerge qarşı 1 776 «Rusiye ordusını itibardan tüşürüv» davası qayd etildi. Olarnıñ eñ büyük qısmı — qadınlarğa qarşı.
Ukrayina Prezidentiniñ Qırım Muhtar Cumhuriyetindeki Temsilcligi bunı bildirdi.
Temsilcilikniñ malümatına köre, 1 651 alda işğalciler ceza tayin ettiler ya da diger davalarnen bunı davanı birleştirdiler. Sekiz davada baqılma daa devam ete. Qararlarnıñ 53%-i (870) qadınlarğa, 47%-i (779) ise erkeklerge qarşı çıqarıldı.
O qoştı ki, umumen işğal etilgen Qırımda mahkeme taqiplerine oğrağan 316 insan qayd etildi, olarnıñ arasında 169 qırımtatar ve qaray cemaatınıñ bir vekili bar.
Arman ayınıñ 3-nde Temsilcilik bildirgen edi ki, Qırımda 1 770 «Rusiye ordusını itibardan tüşürüv» davası qayd etilgen edi. 20 kün içinde cedvelge daa altı insan kirsetildi.
Evel işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) «mahkeme» Qırım sakini Kseniya Poğorelanı, tahminen 12 sene evel internette neşir etken suretleri sebebinden, «Rusiye ordusını itibardan tüşürüv»niñ üç epizodına binaen para cezasını berdi. Olardan biri, «Ukraine» yazılı bir qadeden qan içken Putinni tasvir ete. Neşirler, tolu miqyaslı istilâ başlamadan ve Rusiyede «RF SQni itibardan tüşürgeni» içün mesuliyet kirsetilmeden çoq evel peyda olğan ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
