İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) mahkeme Qırım sakini Kseniya Pogorelanı Rusiye ordusınıñ «itibarı tüşürmesi»nen bağlı üç memuriy uquq bozuluvında qabaatlı tanıp, oña 82 biñ rublelik (44 biñ ğrıvnâ) para cezasını berdi.
«Tribunal. Qırım epizodı» uquq qorçalayıcı teşebbüsi bunı bildirdi.
Bunıñ sebebi 12 yıl evel internette derc etkeni resimler oldı.
Kanalnıñ malümatına köre, qarar Rusiye kontrolindeki Simferopolnıñ (Aqmescitniñ) Kıyiv rayon mahkemesinde çıqarıldı. Pogorela qabaatlanğan fotoresimlerden birinde Rusiye prezidenti Vladimir Putinniñ «Ukrayina» yazısınen qadeden qan içkenini köstere.
Resimler Rusiyeniñ Ukrayinağa istilâsı başlamadan evel ve Rusiye qanunlarında ordunı «itibardan tüşürgeni» içün mesüliyetlik daa peyda olmadan evel derc etilgen edi.
«Tribunal. Qırım epizodı»nıñ haberinde qayd etilgenine köre, Rusiye tarafı böyle malümatnıñ açıq irişimde bulunmasını devam etken uquq bozuluvı olaraq tanıy.
Mahkemeci Kseniya Pogorelanı üç adise boyunca qabaatlı tanıp, 82 biñ rublelik para cezasını berdi. Beyanatta qayd etilgenine köre, mahkeme resimlerniñ yaşına ve neşir etilmesiniñ sebeplerine baqmadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
