Arman ayınıñ 14-nde işğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) bir qısmı elektriksiz qaldı. Aynı zamanda, elektrik kesilüvi cedvelini şimdilik yapmaq «tehnikiy ceetten imkânsız».
«Sevastopolenergo» işğalli şirketi Telegramda bunı bildirdi.
Qayd etilgenine köre, «acele işler»ni yapmaq içün arman ayınıñ 15-nde saat 9:00-dan 15:00-ke qadar «Integral», «Tavriya», «Skif», «Dekoratıvne», «Kıparıs», «Vitrets», «Morske», «Slip», «Spetsialist», «Şveynık» ve «Voğnık» BToClerinde (bağçılıq ticariy olmağan cemiyet) elektrik olmaycaq.
Bundan da ğayrı, arman ayınıñ 16-nda saat 09:00-dan 16:00-ğa qadar «Metalist», «Hvılâ», «Ğornodolınnıy», «Dınamo» BToClerinde ve daa bir qaç şeer soqaqlarında elektrik söndürilecek.
Daa soñra şirket bildirdi ki, ağğa büyük yük tüşkeni sebebinden qullanıcılarnıñ elektrik teminatı daa bazı soqaqlarda, şu cümleden Sevastopolnıñ (Aqyarnıñ) Şimaliy tarafında, söndürildi.
Aynı zamanda oraq ayınıñ 14-nde Qırım «başı» Sergey Aksönov Telegram kanalında yarımadada elektrik teminatınrn bağlı mesele çezilmegenini bildirdi.
«Şimdilik elektrik energiyasınıñ tam cedvelini kirsetmek tehnikiy ceetten imkânsızdır», — dedi o.
Hatırlatamız ki, «Qırım rubilniki off» ameliyatı çerçivesinde Ukrayina İnsansız sistemalar quvetleri işğal etilgen Qırımda ve VİETnıñ Cenübinde daa 29 energetika noqtasınıñ zarar körgenini bildirdi. İSQniñ malümatına köre, umumen oraq ayınıñ 1-nden devam etken ameliyat devamında 240 energetika noqtasına uruldı.
İlk yaz ayınıñ soñundan berli işğal etilgen Qırım yaqarlıq ve energiya buhranı şaraitinde yaşay: boş raflar, benzin stantsiyalarında nevbetler ve uruşlar, elektrik ve bağ bozulması. Bunıñnen beraber, Rusiye kütleviy haber vastaları «istiqrar» köstere — bizneske qoltutuv, çöl aşhaneleri ve «yardım merkezleri» aqqında ikâyeler.
Sevastopol iş adamları teren buhran aqqında aytalar: generatorlar paalı yaqarlıq qullana, biznesler qapatıla, turistler pek az. Tükâñlar ve qavehaneler işten çıqalar, çiçek tükânları fiyatını kötere.
Teşviqat videoları kontrol illüziyasını yaratmaq kerek, amma Ukrayina Mudafaa quvetleriniñ ücümleri işğalli sistemanı boza. Qırımdaki yaşayış kerçekten nasıl deñişkeni ve Rusiye matbuat vastaları bu meseleniñ aqibetlerini nasıl gizlemege tırışqanı aqqında Suspilne Qırım maqalesinde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
