«Qırım rubilniki off» ameliyatı çerçivesinde Ukrayina İnsansız sistemalar quvetleri işğal etilgen Qırımda ve VİETnıñ Cenübinde daa 29 energetika noqtasınıñ zarar körgenini bildirdi. İSQniñ malümatına köre, umumen oraq ayınıñ 1-nden devam etken ameliyat devamında 240 energetika noqtasına uruldı.
İSQniñ komandanı Robert Brovdi («Madâr») bunı bildirdi.
Onıñ sözlerine köre, oraq ayınıñ 1-nden arman ayınıñ 13-ne qadar ameliyat çerçivesinde 240 energetika noqtası muvafaqiyetnen ücüm etildi. Soñ nişanlar arasında o, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki Balıqlava SESnı tanıdı.
Brovdi bildirdi ki, statsionar radarlar ve rusiye arbiy hızmetçileriniñ ava mudafaasınıñ başqa elementleriniñ bozulması ava boşluğını qoruv sistemasını boza.
Haberde qayd etilgen obyektler arasında — Kamyankadaki 150 kV «Bilmak», «Berdânska», «Prımorska», «Çernihivska», «Botiyevska», «Morska», «Andriyivka» PS elektrik ast stantsiyaları, em de 110 kV «GPP», «Fakel», «Lazurna» ve «Misto-6» PS ast stantsiyaları. Bundan ğayrı, cedvelde Mariupol, Mıkilivske, Berdânsk, Prımorske, Andriyivka, Svatove, Mıhaylivka, Lozove, Vinnıtsâ, Rovnopil, Şırokıne, Sokolopirne ve Arapivka meskün yerlerindeki energetik obyektler de bar. Ayrıca «Mariupol» GRS-1 gaz boru stantsiyası qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
