Elektrik ağları bozulğanı sebebinden vaqtınca işğal etilgen Qırımnıñ bir qaç meskün yeri elektriksiz qala. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) da elektrik teminatınıñ vaqtınca sıñırlav rejimi «2-ge 6-dan» cedveline köre kirsetildi.
«Krımenergo» ve «Sevastopolenergo» işğalli müessiseleri bunı bildirdi.
«Krımenergo»nıñ bildirgenine köre, işğal etilgen Qırımda elektrik teminatı sıñırlana, söndürüvler ise energetik rayonlardaki vaziyetke köre yapıla.
«Krımenergo» QC DUMniñ obyektleri ve magistral elektrik ağları bozulğanı sebebinden yarımadanıñ bazı meskün yerlerine elektrik energiyasınıñ stabil berilmesi imkânsızdır», — dep qayd etildi haberde.
Elektrik şirketiniñ malümatına köre, vaziyetni pek sıcaq ava zorlaştıra. Elektrik hadimleri, onıñ malümatına köre, gece-kündüz çalışalar.
Sevastopolda (Aqyarda) elektrik teminatınıñ vaqtınca sıñırlav rejimi kirsetildi. «Sevastopolenergo»nıñ malümatına köre, şeerde «2-ge 6-dan» cedveli çalışacaq.
«Aqşam saat 10:00-ğa qadar elektrik energiyası birinci nevbetteki qullanıcılarğa berilecek», — dep bildirdi müessise.
Aynı vaqıtta, arman ayınıñ 13-nde işğal etilgen Qırımnıñ bir qaç meskün yerinde qaza-tamir işleri sebebinden suv berilüvi sıñırlanacaq.
«Voda Krıma» şirketiniñ malümatına köre, tahminen saat 17:00-ge qadar Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Prımorskıy qasabası suvsız qalacaq. Bundan da ğayrı, sıñırlavlar Eski Qırım ve Kirov rayonınıñ bir qaç köyü ve qasabasına tesir etecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
