SignumSIGNUM — 2022 senesi kiçik ayda göñülliler taqımı olaraq teşkil etildi, bölük Harkiv yönelişi, Soledar, Bahmut ve Lıman cebe boyunca Kıyiv mudafaasından 93 «Holodnıy Yar» (2022-2024) AÜP, 53 Volodımır Monomah adına AÜP (2025) erkânında arbiy yol keçti. 2026 senesinde 59 AÜP İS erkânında insanasız sistema batalyonı olaraq hızmetini devam ete bölüginiñ ukrayin arbiy hızmetçileri işğalcilerniñ Qırımğa «quru koridor» olaraq qullanğanları Mariupol — Çonğar yolu olarnıñ ateş kontrolı altında olğanını bildirdiler. Vaqtınca işğal etilgen topraqlarda yaşağan yerli sakinlerge Rusiye arbiy tehnikasınıñ areket yollarından qaçınmağa çağırdılar.
Arman ayınıñ 6-nda Signum bölüginiñ matbuat hızmeti X içtimaiy ağında bunı bildirdi.
İşğalcilerniñ Mariupoldan Çonğarğa qadar yolu Rusiye ordusınıñ esas logistika yollarından biri ve Qırımğa «quru koridor» edi.
«Bu yolğa ücümler, bir vaqıtları "telükesiz" olğan yolnı tuzaqqa çevirerek, Rusiye Federatsiyası ordusı içün askerler, silâ ve yaqarlıqnıñ ketirilmesini pek qıyınlaştırdı. Bu arada Kreml adet üzre "er şey nezaret altında" olğanını dey. Amma vaqtınca işğal etilgen topraqlarnıñ sakinleri bam-başqa bir şeyni köreler — daimiy patlavlar, yanğan tehnika ve işğalcilerniñ öz logistikalarını qurtarmaq ıntıluvları», — dep qayd etti bölük.
İşğal altında bulunğan yerli sakinlerge arbiyl hızmetçier eñ çoq diqqatlı olmağa tevsiye ete.
«İşğalciler adet üzre öz logistikasını yerli sakinlerniñ maşnaları arasında yürgen yük maşnaları vastasınen vatandaşlarnen gizlemege tırışalar. Mümkün olsa, olarnıñ areketlerinden qaçınıñız ve özüni telükege oğratmañız», — dep qayd etildi haberde.
Hatırlatamız ki, işğalcilerniñ bu logistika yolunıñ izolâtsiyası aqqında 2026 senesi mayıs ayında belli oldı. «Hornet» dronları sayesinde ruslarğa qarşı üstünlik elde etildi. Arbiy mütehassıs Vladıslav Seleznöv, Çonğar köprüne ücümler vaqtında «Begemot» yañı ukrayin dronları qullanılğanını qayd etti.
Ukrayina Silâlı quvetleriniñ İnsansız sistemalar quvetleriniñ 412-nci Nemesis brigadası, Rusiyeniñ cenübiy Ukrayinadaki logistikalarına «kütleviy avlağanı»nı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
