İşğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ 55 yaşındaki sakini Volodımır Sakada azat etildi. O, qanunsız cezalarını Kaluğa vilâyetindeki 5-inci tüzetüv müstemlekesinde çekken edi. O, 2022 senesi orta küz ayında uydurılğan dava boyunca mahküm etilgen üç Sevastopol «Yehova şaatı»ndan soñkisi olaraq azat etildi — evelden Yevhen Jukov ve Volodımır Maladık azat etilgen edi. Volodımır Sakada «aşırıcılıq» maddesine binaen altı yıl qanunsız apiste yattı.
«Yehova Şaatları» saytında bu aqqında haber etildi.
«Dostlarımnı körmek ne qadar güzel. Endi meni divarlar sıñırlamay, men azatlıqqa çıqtım», — dedi Volodımır.
Müstemlekede Sakada tibbiy yardım almaqta qıyınlıqlar kördi.
«Cezahanede hastalıqqa oğradım. Lagerde tedaviylenmek içün şarait yoq edi, hadimler yetmey edi ve meni tedaviylenmek içün alıp ketmek imkânı yoq edi», — dep tarif etti Volodımır.
Bir qaç ay devamında, hastalığı ilerlegende, ekimniñ körüşüvini istegen edi. Çoq beklengen ameliyatından eki ay keçken soñ, adamnı qanunsız alda 15 künge ceza izolâtorına qapatqanlar.
Volodımırnıñ apayı Svitlana er üç ayda bir 2000 kilometrlik yolnı keçip, aqayınen körüşmege kele edi.
2020 senesi küzde işğalciler Volodımır Sakada, Yevhen Jukov ve Volodımır Maladıkağa qarşı cinaiy «dava» açtılar. Erkeklerni aşırıcı teşkilâtnıñ faaliyetini teşkil etkeninde qabaatladılar. Er biri altı yıl apis cezasını aldı.
2020 senesi orta küz ayında olar Sevastopolda (Aqyarda) dinge inanğan insanlarnıñ evlerini tinttiler. Qabaatlav «FSBFederal Havfsızlıq hızmeti» tarafından çıqarılğan «Yehova Şaatları»nıñ dört ibadet videosına esaslandı. Erkekler bir kün devamında vaqtınca tutuv izolâtorında tutuldı, soñra işğalli «mahkeme» olarnı SİZOtaqiqat izolâtorığa yolladı. 2021 senesi çiçek ayında dava «mahkeme»ge yollanıldı. «Tahqiqat» ve «mahkeme» vaqtında erkekler qanunsız olaraq bir yıl ve 4 aydan ziyade SİZOda ve er biri 8 aydan ziyade ev apsinde qaldılar.
2022 senesi orta küz ayında «mahkeme» olarnı 6 yılğa umumiy rejimli müstemlekege üküm etti. 2024 senesi ilk qış ayında «qarar» Rusiye Federatsiyası Kassatsiya mahkemesi tarafından tasdıqlandı.
2026 senesi ilk yaz ayında Yevhen Jukov, bir aydan soñ Volodımır Maladıka ve arman ayınıñ 3-nde Volodımır Sakada azatlıqqa çıqtı.
Hatırlatamız ki, işğal etilgen Qırımda «Yehova Şaatları» taqip etile.
Çiçek ayınıñ 28-nde Qırım işğalcileri «Yehova Şaatları» teşkilâtınıñ 86 yaşındaki azası Oleksandr Ursunıñ evini tinttiler. Cep telefonları, fleşkaları, internet routeri ve 100 biñ rublelik yataq parasını alıp kettiler.
2026 senesi mayıs ayına qadar Qırımdan eñ az 21 insan «Yehova Şaatları» diniy inançları sebebinden cinaiy taqipniñ farqlı basamaqlarında olğanı belli edi. Daa 13 insan Rusiye müstemlekelerinde qanunsız cezalarnı çeke, üçü apis cezasını ala bile.
Mayısnıñ 12-nde işğalli Qırım «taqiqat eyyeti» daa dört «Yehova Şaatları» temsilcisini yaqalağanını bildirdi.
Oraq ayınıñ 3-nde Rusiye taqiqatçılarınıñ «Yehova Şaatları» diniy teşkilâtınıñ faaliyetini maliye etüvde qabaatlanğan Zaprudne köyüniñ 53 yaşındaki sakinine qarşı cinaiy dava açqanları belli oldı. İşğalli uquq qorçalayıcılar, teşkilâtnıñ yerli merkeziniñ faaliyetini teşkil etkeninde qabaatlanğan daa eki insannı tapqanlarını bildirdi.
Hatırlatamız ki, diniy sebeplerden taqip etilüv Avropa insan aqları konventsiyasınıñ 9-ıncı maddesini boza. Bundan da ğayrı, Ukrayina qanunlarına köre cinayetçi olmağan şahıslarnı taqip etüv — aynı konventsiyanıñ yedinci maddesiniñ bozuluvıdır. Çünki halqara gumanitar uquqına binaen, Rusiyeniñ işğal etilgen topraqlarda öz cinaiy qanunlarını qullanmağa aqqı yoq.
Ukrayinadaki Yehova Şaatları temsilciligi, öz dininde iç bir aşırıcılıq körmegenini yazma cevabında bildirdi.
«Dünyanıñ er yerindeki Yehova Şaatları, dindaşlarına olğan adaletsiz munasebetlerden pek qasevetlene, olar içün dua etmege ve qorantalarına qol tutmağa devam eteler... Bütün dünya boyunca Yehova Şaatlarınıñ 100 yıldan ziyade devam etken zemaneviy tarihı, bizler qabul etken Hristianlıqnıñ aşırıcılıq olmağanını isbatlay».
2017 senesi çiçek ayında Rusiye Yuqarı mahkemesi «Yehova Şaatları»nı aşırıcı teşkilât olaraq tanıp, olarnıñ faaliyetini Rusiye toprağında ve hususan işğal etilgen Qırımda yasaq etti. Aynı yılnıñ ilk yaz ayında işğalli akimiyet «Yehova Şaatları»nıñ bütün cemiyetlerini qayd etüvden marum etti. Ekinciden, işğalciler cinaiy davalarnı açmağa başladılar. Rusiye qanunlarına köre, aşırıcı faaliyet içün ceza ceza olaraq belgilene
«Diniy nezaret altında» videolarınıñ üçünci sanında Suspilne Qırım Rusiye tarafından «Yehova Şaatları»nıñ nasıl ve ne sebepten taqip etilgeni aqqında tarif ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
