İşğalciler Qırımda altı qanunsız arheologik ekspeditsiya keçire: eñ azından üç qabirni tedqiq eteler.
RİA «Novosti Krıma» Qırım ilimler akademiyasınıñ Qırım arheologiya institutınıñ müdiri Vadim Mayka bu aqqında haber etti.
- Opuşka mezarınıñ qazma işleri devam ete. Eñ az üç mezarlıq tedqiq etile.
- Yakovenkove köyüniñ yanında Qız Aul nekropolini tedqiq eteler — bu keç antik mezarlıq abidesi.
- Artezian ve Bilinskıy meskün yerleri rayonlarında qazma işleri devam ete.
Hatırlatamız ki, çiçek ayınıñ 1-nde Baş istihbarat idaresi qanunsız qazma işlerinen oğraşqan ve işğal etilgen Qırımdan medeniy eserlerni alıp ketken rusiye arheologları ve teşkilâtlarnıñ bilgilerini yayınladı. Cedvelde kurganlar ve nekropollardan hırsızlanğan artefaktlar ve ukrayin mirasını satmağa yardım etken insanlar bar.
Bİİniñ malümatına köre, Rusiye strukturaları eñ az 178 medeniy qıymetini işğal etilgen Ukrayina topraqlarından, hususan Qırımdan, alıp kettiler. Olarnıñ arasında işğal etilgen yarımadada qazılğan 140-tan ziyade artefakt ''Kamyana Moğıla'' müzeyinden Hersoneske ketirilgen 37 eksponat.
Milliy muqavemet merkzi (MMM) qayd etti ki, işğal etilgen Sevastopoldeki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) «Hersones Tavriyskiy» qorçalavı, qanunsız qazanç menbasına çevirildi. Rusiye «qara arheologları» havfsızlıq küçleriniñ imayesi astında eserlerni çıqaralar. MMM añlattı ki, Hersones Tavriyskiyde qanunsız qazılmalar sheması bar: Rusiye havfsızlıq küçleri «qara arheologlarğa» qarşılığında tapılğan eserlerni alıp ketmege ruhset eteler. Ödemege red etkenler cezalana.
Bundan evel Ukrayina Milliy ilimler akademiyasınıñ Arheologiya institutınıñ baş ilmiy hadimi Evelina Kravçenko, «Hersones» — büyük bir qabarcılıq leyhası olğanını tarif etti.
Aynı vaqıtta Avropa Birligi Şurası Rusiyege qarşı 17-nci sanktsiyalar paketini tasdıqladı. Şu cümleden, Qırımda medeniy mirasnıñ hırsızlanmasına qarşı sıñırlavlar kirsetti. Cedvelge Sevastopolda (Aqyarda) «Hersones» müzey-qoruğınıñ işğalli müdiri Olena Morozova kirdi.
Halqara gumanitar uquq qaidelerine binaen, hususan 1954 senesi qabul etilgen Gaaza konventsiyasına binaen, işğalci devlet işğal etilgen topraqtaki medeniy qıymetlerni ürmet etmek mecbur, olarnıñ saipleştirüvi, avuştırıluvı ya da statusınıñ deñiştirüvi yasaq etile. Bu qaidelerniñ bozuluvı, şu cümleden degerliklerniñ devlet fonduna integratsiyası, ciddiy bir bozuv ola ve mesüliyetke çekile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
